dali-bebeto-treba-da-spie-vo-ist-krevet-so-roditelite_image
Споделете со пријателите!

Експертите се согласуваат дека бебето треба да спие во иста соба со родителите, но во одделен кревет
Голем дел од новите родители, особено мајките-доилки по пораѓањето практикуваат нивното бебе да заспива и да спие до нив, бидејќи сметаат дека на тој начин детето полесно заспива, како и дека нивната меѓусебна врска се зацврстува. Иако повеќето експерти го поддржуваат спиењето на детето во иста соба со родителите, тие сметаат дека тоа треба да спие во одделен кревет.

Всушност, тие се согласуваат дека бебето треба да спие во иста соба со родителите, но препорачуваат дека не треба да спие во нивниот кревет заради безбедносни и здравствени причини.

Една од многуте причините за оваа препорака е зголемувањето на ризикот од синдромот на ненадејна смрт кај доенчињата (SIDS), како и други случаи во кои бебето може да се повреди ако спие во креветот на своите родители во најраните месеци и години.

Разлика помеѓу делење на собата и делење на креветот со вашето бебе

Додека  сметаат дека местото на спиење на бебето е помеѓу двајцата родители, други предупредуваат

Додека многумина сметаат дека местото на спиење на бебето е помеѓу двајцата родители, други предупредуваат дека истото може да биде опасно. Која е основната разлика помеѓу спиење со вашето бебе во ист кревет и во иста соба? Делење на соба подразбира кога родителите и бебето спијат во иста соба, но во различни кревети, додека делење на кревет подразбира кога родителите и бебето спијат во ист кревет.

Причини зошто некои родители спијат во ист кревет со детето:

  • го усогласува циклусот на спиење на мајката и бебето;
  • им помага на бебињата во првите неколку месеци полесно да заспиваат;
  • им помага на бебињата да се будат поретко и да спијат подолго во текот на ноќта;
  • им помага на родителите да се чувствуваат поблиску до своето дете по долгиот ден поминат на работа.
Прочитајте:  Едноставниот чин на допирање, има длабоко влијание врз гените

Причини зошто треба да се избегнува спиењето во ист кревет со детето:

  • можно задушување од душекот, мемори-пената или останати додатоци на креветот, како перничиња, прекривачи и сл.;
  • можно заглавување помеѓу делови од креветот, како душекот и рамката на креветот или помеѓу ѕидот и креветот;
  • можно повредување на главата и телото.

Доколку го делите креветот со вашето бебе, внимавајте на следните работи:

  • немојте да го делите креветот со бебето до 4-от месец бидејќи тогаш ризикот за „SIDS“ е најголем;
  • секогаш ставајте го бебето да спие на грб;
  • немојте да спиете на тесен кревет со многу мека површина;
  • немојте да спиете во кревет чии наслони имаат отвори;
  • не го оставајте бебето да спие само во вашиот кревет;
  • не ја покривајте главата на бебето;
  • секогаш расчистете го креветот од различни играчки или дополнителни перничиња и сл.;
  • поставете го креветот само со неопходната постелнина за душекот и перниците;
  • oставете доволно простор помеѓу вас и бебето за да имате доволно простор да спиете слободно.

Споделете со пријателите!