lazenje-nov-fitnes-trend_image
Споделете со пријателите!

Лазењето се смета за современа физичка активност којашто би можела да помогне во намалувањето на нивото на стрес и високиот крвен притисок, како и во регенерирањето на централниот нервен систем
Фрлете ги велосипедите и пилатес топките, откажете се од кросфит и јога, бидејќи на прагот нè чека нова форма за вежбање и зацврстување на телото – лазење. Ако влезете во вежбалница и забележите возрасни како лазат наоколу, не грижете се дали се повредени, слепи или под дејство на алкохол, тие всушност го практикуваат токму овој нов фитнес-тренд што веќе зема силен замав во САД – вежбање со лазење.

Станува збор за физичка активност што би требало да ни помогне да ја вратиме подвижноста на телото што сме ја имале во детството.

Иако лазењето излегува од мода во моментот кога ќе се одмине втората година од животот, современите тренери и научните сметаат дека лазењето може да има многу здравствени придобивки кај возрасните, меѓу кои намалување на нивото на стрес и високиот крвен притисок, како и подобрување на централниот нервен систем. Меѓудругото, реномираниот специјалист по киропрактика, Џастин Клајн, лазењето го нарече новата „plank“ позиција бидејќи смета дека тоа може да помогне и во намалувањето на болките во грбот и да го зацврсти торзото.

Организацијата Original Strength е позната по светот како поддржувач на активности како лазењето бидејќи веруваат дека може да ни помогне да ги „избришеме“ навиките за лошо држење на телото и да ни овозможи да поставиме основа за нови вежби.

„Лазењето, иако делува лесно е многу предизвикувачка активност доколку се практикува на правилен начин“

Соосновачот на организацијата „Original Strength“, Тим Андерсон, за дневникот „Washington Post“ посочи дека постои причина зошто децата учат да лазат пред да започнат со првите чекори – лазењето им помага да изградат здрава и цврста основа. Андерсон советува дека лазењето, иако делува лесно и едноставно, всушност, е многу предизвикувачка активност доколку се практикува на правилен начин.

Прочитајте:  Фереџе за вежбање

„Лазењето вклучува вежбање на телото на подот со што се употребува целата тежина на телото и оттука не се потребни дополнителни справи. Тоа е изометрична активност што значи дека оној што лази се труди да задржи една положба под постојан притисок, што помага во зацврстување на целото тело, вклучувајќи го торзото на кое му дава цврстина и стабилност“, советува фитнес експертот и амбасадор на „Balance Festival“, Ешли Хант.

За да добиете инспирација за различните начини на лазење, погледнете го видеото:


Споделете со пријателите!