Сèкое средство кое што се става во вагината може потенцијално да ја наруши вагиналната средина и нејзината избалансирана вагинална флора
Во денешницата се поактуелни стануваат огромен број на т.н. женски производи за хигиена коу имаат намена да помогнат со „вагиналениот исцедок и мирис“, и да го задржат чувството на свежина. Почнувајќи од дезодоранси, дезодорирани влошки за секојдневна употреба, па се до најновиот каприз – вагинален третман со пареа.Овие производи активно го промовираат ставот дека жените не треба да имаат никаков вагинален исцедок, да бидат ослободени од било каква негова секреција и дека доколку го има треба да има мирис на роза или ванила.
Многу жени го сметаат вагиналниот исцедок како непожелен и неприроден, а не физиолошки и нормален.
Податоците покажуваат дека околу половина од сите жени користат „влошки за секојдневна употреба“.
Што е вагинален исцедок и зошто е важно?
Вагиналниот исцедок на некој начин е механизам за самопрочистување и тој игра битна улога во одржувањето на вагината здрава. Од пубертетот, кога концентрацијата на естрогенот драстично расте, вагината станува колонизирана со здрави бактерии од групата Lactobacillus кои произведуваат млечна киселина.
Овој ситно избалансиран вагинален екосистем се нарекува вагинален микробиом, а добиената киселост на вагината обезбедува заштита од сексуално преносливи инфекции.
Здравиот вагинален исцедок се состои од течност од вагиналните ѕидови, слуз од грлото на матката, како и лактобацили. Бидејќи вагиналната средина е хормонски зависна, може да се очекува варијација во количината на вагиналниот исцедок во текот на месецот и тоа е сосема нормално.
Освен тоа што обезбедува заштитна средина, вагиналниот исцедок е и природен лубрикант кој се произведува во количина од 1-4 мл во текот на секои 24 часа. Оваа количина се зголемува со повисоки нивоа на естрогени, како на пример за време на бременоста и овулацијата.
Сексуалната возбуда доведува до ненадејно ослободување на течност, поради зголемен проток на крв во карлицата, а со тоа и повеќе вагинален трансудат.
Драматичното намалување на естрогенските нивоа за време на менопаузата доведува до промени во клетките кои ја обложуваат вагината, намалување на бројот на лактобацили и многу посува вагина.
Здравиот вагинален исцедок има карактеристичен мирис – и кај некои жени може да стане поинтензивен заради големиот број на потни жлезди на влакнестиот дел на вагината.
Промивање на внатрешноста на вагината не се препорачува, но особено е важно да се чува надворешната кожа чиста.
Нарушување на здравото вагинално опкружување
Сèкое средство кое што се става во вагината може потенцијално да ја наруши вагиналната средина и нејзината избалансирана вагинална флора, вклучувајќи тампони, кондоми, сперма, прсти и хигиенски сексуални играчки.
Нарушувањето во овие случаи е скоро секогаш привремено и кај жени со добар имунитет вагинаталната флора брзо се враќа во нормала. Но, ова не е случај кога се користат производи за чистење или често туширање.
Домашно направените промивки обично содржат вода и оцет, а комерцијалните производи содржат антисептици и мириси кои можат да ја намалат концентрацијата на лактобацилите и да го намалат заштитниот ефект на исцедокот.
Кога да побарате медицински совет
Медицински совет треба да се побара ако има значителна промена во обемот, бојата или мирисот на исцедокот.
Промената на вагиналниот исцедок може да биде знак за инфекција, иако многу од бактериските сексуално преносливи инфекции, вклучувајќи ги хламидија и гонореа, обично не предизвикуваат никаква промена во исцедокот.
Почести причини за зголемена секреција се кандида или бактериска вагинози.
Бактериската вагиноза е состојба во која вагината не може да се врати во својата нормална состојба и станува поалкална. Алкалноста на менструалната крв може да биде поврзана со бактериска вагиноза.
Лактобацилите се намалуваат и се заменуваат со други вагинални бактерии кои можат да бидат поврзани со зголемена количина на зеленикаво-сивкаст исцедок и непријатен мирис.
Иако состојбата не се смета за штетна, жените кои живеат со бактериска вагиноза, со постојан и слаб исцедок може да бидат изнемоштени и треба да го видат својот лекар за да разговараат за тоа како да се справат со состојбата.
Од клучно значење е секоја жена да е свесна за ефектот на разните видови „заштитни и хигиенски средства“ кои ги употребува и да го отфрли практикувањето на т.н клинички третмани, но немаат медицински докажана основа. Вагиналниот исцедок е нормална појава и игра важна улога во одбраната против инфекции. Обидувајќи се да го елиминирате или спречите може да биде и штетно.