Лошата исхрана, т.н. брза храна во последно време е една од најчестите причини за тврда столица и опстипација
Најчестиот дигестивен проблем кој секој го има барем еднаш во животот е проблемот со тврда столица, која често преминува во опстипација или народно познато како запек. Што претставува всушност оваа состојба?
Опстипацијата се јавува кога подвижноста на цревата се намалува, столицата станува сува и тврда и тоа го отежнува празнењето на цревата. Имаме нередовно, нецелосно и тешко празнење цревата, појава на подуеност и стомачни болки. Причините може да бидат следните:
- Зголемена дехидрација на столицата во дебелото црево при што таа станува тврда маса чие отстранување е отежнато;
- Внесување на премалку течности и растителни влакна во исхраната при што не се создава столица со нормална конзистенција;
- Недоволна физичка активност;
- Стеснување или блокада на дебелото црево,особено на ректумот (завршниот дел од дебелото црево) што оневозможува нормален премин на фецесот;
- Намалување на целокупната цревна перисталтика што исто така го забавува движењето на столицата;
- Психосоматска опстипација поврзана со анксиозни состојби и стрес.
Лошата исхрана во последно време е една од најчестите причини. Се внесува секојдневно брза храна со лош квалитет, недоволно течна храна и премалку вода. Ова е сигурно доведува до појава на тврда столица која ќе предизвика проблеми при дефекација и на крајот опстипација.
За брзо отстранување на запекот и воспоставување на нормален режим на празнење на цревата постојат ефикасни и сигурни природни препарати. Такви примери се лактулозата и крушината чија комбинација претставува сигурно и ефикасно решение против тврда стилца и опстипација без несакани ефекти.
Лактулозата е всушност шеќер (дисахарид) која при доаѓањето во дебелото црево се разградува од страна на бактериите на цревната микрофлора до органски киселини со мала молекулска маса. Притоа тие делуваат осмотски т.е предизвикуваат зголемување на секрецијата на вода во луменот на тенкото и дебелото црево и со тоа зголемување на цревната содржина. Претставува безбеден за употреба препарат кој можете да го набавите како отц во сите аптеки. Можно е да се зема независно од оброкот, само е битно да се зема со поголема количина на вода. Честа појава на опстипација има и за период на бременост, па и во тој сличај земање на препарат кој содржи само лактулоза е потполно безбеден за употреба и за време на бременоста. Може да се зема и во комбинација со други лекови, бидејќи нема познати интеракции со ниеден лек.
Екстрактот од кора од крушина делува преку 2 механизма:
- Контактна стимулација на мотилитетот на дебелото црево (со стимулација на неуроните, се поттикнува мотилитетот);
- Го регулира процесот на секреција, спречува апсорпција на вода и електролити (антиапсорптивен ефект) и ја засилува пропустливоста на меѓуклеточните врски, што ја зголемува секрецијата на вода во луменот на цревата.
Ваквата комбинација може да се најде во облик на прашок кој се раствора во вода и се пие свежо подготвен. Поволен ефект се постигнува со еднократна примена на ден, без појава на стомачни грчеви, а природните состојки не предизвикуваат навикнување и можат да се користат подолг временски период.
М-р фарм. Емад Канан
