Прочитајте кои се најновите медицински иновации
Медицинскиот самит на иновации за 2015 година – 2015 Medical Innovation Summit се одржа на крајот на годината во Конгресниот центар на Кливленд. Десетте медицински иновации за 2016 година се прогласени на 28 октомври во 11 часот наутро, на последниот ден од самитот.
1. Вакцини за превенција на епидемии во јавното здравје
Вакцините за превенција на епидемиите како што е еболата или пак, вакцините против Менингокок Б, брзо добиваат одобрување. Пациентите може да ги добијат многу брзо.
2. Геномски водени клинички испитувања
Разработувањето на генетскиот профил на пациентите подобро ги усогласува со клиничките испитувања, што ги зголемува шансите од придобивките од ваквите научни истражувања.
3. Уредување на гени со помош на CRISPR
CRISPR претставува терапија со која човечкиот геном е изменет со цел да се елиминираат генетски базираните болести.
4. Системи за прочистување на водата за превенција на инфективни болести
Самоодржливиот процесор го претвора цврстиот отпад и тињата од канализацијата во безбедна вода за пиење за стотици илјади луѓе.
5. Клеточно ослободено фетално тестирање на ДНК
Овој неинвазивен дијагностички тест дава десеткратно поголема шанса за дијагностицирање на Даунов синдром кај фетусот.
6. Скрининг на рак со помош на протеинска биомаркер анализа
Тест којшто открива промени во структурата на одредени протеини во крвта, може да дијагностицира многу типови на рак со многу голема точност.
7. Природно контролирани вештачки екстремитети
Сензорите ги отчитуваат нервните кодови испратени од страна на мозокот и потоа ги испраќаат кон компјутерите, каде што се дешифрирани и користени за движење на протетските екстремитети.
8. Првиот до сега третман против HSDD
Нарушувањето на хипоактивна сексуална желба (HSDD) најмногу ги засега жените. Овој лек ја враќа желбата за секс кај жените пред менопауза кај кои не постои медицинки базирано објаснување за загубата на нивното либидо.
9. Далечински мониторинг без фрикција
Уреди коишто им овозможуваат на здравствените работници да ги следат пациентите од далеку. Такво е мониторирањето на гликоза без употреба на игла, што користи биосензори на кожата за собирање на информациите околу нивоата на гликоза.
10. Невроваскуларен стент
Нов уред употребуван покрај стандардните tPA третмани против мозочен удар, ги отстранува згрутчувањата и резултира во побрзо закрепнување на пациентите и со тоа им дава поголема шанса за независен живот.
