kozmetichka-hirurgija-tipovi-rizici_image
Споделете со пријателите!

Кандидати за козметичка операција се оние што добро ќе ги разберат медицинските ризици од операцијата и ќе бидат подготвени за промените со кои ќе треба да се соочат по операцијата
Целта на козметичката хирургија е да го подобри физичкиот изглед на еден пациент. Честопати луѓето се незадоволни од тоа како некој дел од нивното тело или лицето изгледа и се одлучуваат да направат козметичка операција за да го коригираат тој дел и со тоа да го подобрат својот изглед и да се стекнат со поголема самодоверба. Козметичките операции често се прават и заради несакани лузни и флеки од акни, изгореници и сл. Козметичката операција може да се направи на различни делови од телото и лицето. Какви типови на козметички операции, зафати и третмати постојат?

Лице

  • Затегнување (лифтинг) на лицето (јаболчници, брада, чело, врат);
  • Филери;
  • Ботокс;
  • Хемиски пилинг;
  • Операција на брадата;
  • Операција на забите;
  • Дермоабразија (отстранување на бенки, пеѓи, флеки и сл.);
  • Липосукција (врат и лице);
  • Ласерско отстранување на влакна;
  • Ринопластика;
  • Отопластика;
  • Отстранување на флеки, лузни, проширени вени, тетоважи.

kozmetichka-hirurgija-tipovi-rizici_image1
Тело

  • Липосукција;
  • Затегнување (лифтинг) на телото (раце, нозе, стомак, гради);
  • Зголемување и намалување на градите;
  • Зголемување и намалување на задникот;
  • Отстранување на влакна.

Пред и по козметичката операција

„Промените со кои ќе треба да се соочат по операцијата освен на физичкиот изглед може да влијаат и на психичкото здравје“

Пред да се одлучите да направите козметичка операција или зафат на некој дел од своето тело или лице којшто не ви се допаѓа најпрво треба да размислите на промените коишто ќе ги направите и како тие би влијаеле на вас. Луѓето што сакаат да направат козметичка операција секојпат најпрво треба да разговараат со хирургот со цел да го споделат своето незадоволство, како и очекувањата од оперативниот зафат. Добри кандидати за козметичка операција се оние што добро ќе ги разберат медицинските ризици од операцијата и ќе бидат подготвени за промените со кои ќе треба да се соочат по операцијата коишто, освен на физичкиот изглед може да влијаат и на психичкото здравје

Медицинската грижа е есенцијална за правилно и брзо закрепнување по козметичката операција.

Во зависност од тежината и сериозноста на зафатот, периодот за закрепнување може да варира од 6 до 12 недели. Во овој период е важно да се пуши и да не се консумираат никотински производи, како и да се води грижа за исхраната. Раните и отоците од оперативниот зафат се нормална и привремена појава во периодот на закрепнување, но потребни се чести контроли со цел да се следи процесот на заздравување и да се превенираат несакни компликации.

Прочитајте:  Пробиотик – неопходност при секоја антибиотска терапија

Ризици

Како секоја друга операција и козметичката носи ризици со себе. Кај лицата со претходни кардиоваскуларни заболувања, дијабетес или прекумерна телесна тежина, ризикот од за појава на компликации меѓу кои, пневмонија, срцев удар или згрутчување на крвта е поголем од кај лицата без здравствени проблеми. Кај пушачите, исто така, ризикот за неправилно заздравување на постоперативните рани или појава на инфекции кај истите е поголем отколку кај непушачите.


Споделете со пријателите!