Неодамнешно научно истражување предупреди дека „супер бубачките“ коишто се високорезистентни на антибиотици, до 2050 година можат да убијат дополнителни 10 милиони луѓе годишно ширум светот, доколку не се преземат заштитни мерки – поголема смртност во споредба со канцерот
Супер бубачките – Super bugs претставуваат микроорганизми (микроби, бактерии и некои фунги: габички, печурки) коишто се отпорни на антибиотици. Ваквите микроорганизми коишто се високоотпорни на антибиотици се делумно или целосно одговорни за 700 илјади смртни случаи годишно. Според статистиките според кои е водено истражувањето, годишно од рак умираат 8 милиони и 200 илјади лица. Се смета дека во Европа и во САД, антимикробната резистенција (АМР) предизвикува најмалку 50 илјади смртни случаи секоја година.
Доколку не се посвети соодветно внимание на овој проблем, до 2050 година, стапката на смртност може да се зголеми за 10 пати.
Британскиот премиер Дејвид Камерон – David Cameron го даде извештајот на комисијата во јули во обид да се подигне свеста за проблемот што расте на глобално ниво, а воедно и да предизвика повеќе активности во врска со овој проблем од страна на светските лидери. Водечкиот истражувач Џим О’Нил – Jim O’Neill и поранешниот економист од Американската мултинационална инвестициска банкарска фирма Голдман Сах – Goldman Sachs, во едно интервју за BBC изјави дека проблемот би имал најголемо влијание во следниве држави: Бразил, Русија, Индија, Кина, Мексико, Индонезија, Нигерија, Турција. Тој се надева дека извештајот ќе поттикне „храбри, јасни и практични долгорочни решенија“.
До 2050 година годишната стапка на смртност од АМР (предвидени 10 милиони), ќе ја надмине стапката на смртност од рак.
Извештајот потврдува дека човечкото влијание и сè поголемиот број на смртни случаи треба да бидат доволни за да се предизвика интернационална акција, но исто така вели дека суровата економска прогноза „ја надминува здравствената политика“. Извештајот исто така предвиде дека во некои земји во развој, каде што отпорноста на микроби од поодамна е голем проблем, бројот на смртни случаи значително би се зголемил. Во Индија и Кина, смртните случаи поради антимикробна резистенција можат да се дуплираат. Според Светската здравствена организација помеѓу седумте високоотпорни супер бубачки, трите најопасни бактерии се: K pneumonia, Escherichia coli и Staphylococcus aureus.
Откриено е исто така дека ХИВ, маларијата и туберкулозата претставуваат значајна опасност за глобалното здравје, доколку отпорните болести продолжат да бидат неистражувани. Истражувањето предупреди дека Африка на пример, може значително да настрада и во државите како Нигерија, стапката на смртни случаи поради АМР (Антимикробна резистенција) може да се искачи до едно на четири лица.
„Со модерната технологија и соодветниот фокус, како и соодветното водство, во обид да се искористи најголемата светска технологија за дијагностика, тоа веројатно ќе направи значајна разлика во притисокот за употреба на антибиотици“ – додава О’Нил.
