dijabeticarite-mozat-da-ziveat-dolg-zdrav-zivot
Споделете со пријателите!

Според податоците од СЗО, 346 милиони луѓе ширум светот страдаат од дијабетес и неговите компликаци. Со ова темпо бројката на заболените ќе се дуплира до 2030 година. Важни се чекорите во превенцијата на дијабетесот
Шеќерната болест – дијабетес е болест на покачено ниво на гликоза во крвта во текот на подолг временски период. Се јавува кога панкреасот не продуцира доволно инсулин или пак кога веќе произведениот инсулин телото не може ефективно да го искористи. Инсулинот е неопходен за претворање на шеќерот во енергија за телото да може правилно да функционира. Кога овие шеќери не се претворени во енергија, организмот одговара со создавање повеќе гликоза и залиха на масти. Со тек на време, овие шеќери се акумулираат во крвотокот. Ако болеста остане нелекувана, може да се предизвикаат многу сериозни компликации, вклучувајќи срцева и васкуларна болест, бубрежно, очно и нервно оштетување. Постојат два типа на шеќерна болест: дијабетес тип 1 (јувенилен дијабетес) што се развива кај децата и младите и дијабетес тип 2 кој се јавува кај возрасната популација. Секој од нас е потенцијален пациент.

Знаци на предупредување:

  • често и обилно мокрење, особено по време на ноќта;
  • изразено чувство на жед и глад;
  • брзо губење на телесната тежина;
  • чувство на замор и слабост;
  • заматен вид;
  • чести кожни инфекции и јадеж по кожата;
  • мирис на ацетон.

Според податоците од СЗО, 346 милиони луѓе ширум светот страдаат од дијабетес и неговите компликации. Со ова темпо бројот би се дуплирал до 2030 година. Дијабетесот и неговите компликации се причина за речиси 80% од сите смртни случаи во земјите во развој.

Прочитајте:  Кои хороскопски знаци се најголеми оптимисти

Нема лек за дијабетес, но има многу третмани за дијабетичарите да можат да водат долг и здрав живот.

Чекори за превенција на дијабетот:

  • контрола на нивото на гликоза, холестерол и крвен притисок;
  • здрава исхрана, јадете овошје и зеленчук, храна од цели зрна, млеко и млечни продукти со ниска масленост;
  • вежбајте 30 минути 3-4 пати неделно;
  • земајте ја пропишаната терапија од вашиот доктор секојдневно;

Д-р Анета Јанакиеска – Димеска


Споделете со пријателите!