На 11.03.2020 генералниот секретар на СЗО прогласи пандемија на COVID-19.
Пријавени се вкупно 18 нови случаи на COVID-19 од 7 градови. Најголем број од пријавените лице се со место на живеење во Скопје (Табела 1).
Табела 1. Дистрибуција на заболени од COVID-19 по град и општина, РС Македонија, 2020
| Град | Број на заболени | Починати |
| Скопје | 7 | |
| Прилеп | 4 | |
| Битола | 2 | |
| Куманово | 2 | 1 |
| Крушево | 1 | |
| Кочани | 1 | |
| Кавадарци | 1* | 1* |
- Странски државјани
Најголем дел од регистрираните случаи се на возраст над 60 години (n=5), а во однос на дистрибуцијата по пол, пријавени се 8 женски и 10 машки лица.
Хоспитализирани се 6 лица, а останатите се на домашно лекување. Испишани се 7 оздравени лица по добиени два негативни теста за присуство на SARS-CoV-2.
Кај 4 лица е регистрирано присуство на коморбидитети.
Вкупно 12 лица имале контакт со веќе потврден случај на COVID-19 во државата, а не е регистрирано лице кое има историја на неодамнешно патување (во последни 14 дена).
Тестирани се вкупно 351 материјали во лабораториите во кои се спроведува молекуларно тестирање за присуство на SARS-CoV-2. Позитивни се 18 или 5,1% од тестираните.
Регистрирани се 2 смртни случаи од COVID-19 во текот на изминатите 24 часа. Се работи за заболено лице од Куманово и странски државјанин регистриран во Кавадарци (Табела 1). Се работи за машки лица на возраст од 44 и 73 години. Кај починатото лице од Куманово се присутни симптоми на заболувањето, коморбидитети и бил хоспитализиран на КИБФС. Странскиот државјанин е со престој во државата во период од 4 месеци
.
Кумулативна состојба со COVID-19 во Република Северна Македонија
Заклучно со 07.04.2020, пријавени се вкупно 617 случаи на COVID-19 (I=29,8/100.000).
Според место на постојано живеење/ повремен престој, случаи на COVID-19 се регистрирани во 18 градови низ државата. Најголем дел од нив се регистрирани во Скопје и Куманово, додека највисок леталитет (со исклучок на странскиот државјанин од Кавадарци) се регистрира во Струга и Тетово.
Согласно последните податоци објавени од СЗО, заклучно со 07.04.2020:
- Број на потврдени случаи на глобално ниво – 1.279.722 (68.766 нови)
- Број на смртни случаи на глобално ниво – 72.614 (5.020 нови)
- Број на зафатени земји/ територии – 212
Европски Регион на СЗО
- Потврдени случаи – 686.338 (30.999 нови)
- Смртни случаи – 52.809 (3.330 нови)
Регион на СЗО Западен Пацифик
- Потврдени случаи – 113.641 (119 нови)
- Смртни случаи – 3.892 (31 нови)
Регион на СЗО Југо-источна Азија
- Потврдени случаи – 9.132 (304 нови)
- Смртни случаи – 362 (18 нови)
Источно-Медитерански Регион на СЗО
- Потврдени случаи – 78.565 (4.218 нови)
- Смртни случаи – 4.149 (173 нови)
Регион на СЗО Америка
- Потврдени случаи – 384.242 (31.650 нови)
- Смртни случаи – 11.097 (1.417 нови)
Афрички Регион на СЗО
- Потврдени случаи – 7.092 (476 нови)
- Смртни случаи – 294 (51 нови)…
Превземено од: Институт за јавно здравје на Република Македонија
