intervju-so-karlos-2
Споделете со пријателите!

На 27-ми мај, во 12 часот во Градскиот Парк во Скопје, Gibbon Slacklines Macedonia и Sport Inn ве повикуваат да дојдете и да пробате да балансирате 10 секунди
Брендот GIBBON верува во баланс на умот и телото, кој ќе придонесува во подобрувањето на секојдневното живеење. Целта е да се инспирираат индивидуи кои ќе работат на самодовербата за постојано да се надминуваат самите себе и да го преминуваат сопствениот физички лимит. Веќе 10 години, GIBBON е глобален лидер во дизајнот, развојот и маркетингот на производите за слејклајн и балансирање за забава, спорт и фитнес.

„Од друштвена и опуштена активност со пријателите и семејна забава во дворот, до изведување трикови за адреналински зависници“

Слеклајнингот во минатото беше активност која претставуваше замена за искачувањето по карпи, во камповите на качувачите, при лоши временски услови. Неговите почетоци се во Yosemite Valley, во раните седумдесетти. Поради комплексноста од технички аспект, во почетокот оваа дисциплина не била достапна за широката јавност. Ваквата ситуација се менува во 2007 година, кога GIBBON го креираат новиот слеклајн систем, составен од два дела, вклучувајки и сигурносна рачка, а се зголемуваат и ширината на слеклајн лентата.

Денес слеклајнингот наоѓа сè поширока примена. Од друштвена и опуштена активност со пријателите во парк, семејна забава во дворот, до омилениот аксесоар за забава при авантуристичките outdoor излети и патувања или пак, изведување трикови како freestyle спорт за адреналинските зависници, за кој постојат и светски првенства, слеклајнингот може да се практикува на многу различни начини, а се прилагодува на сечиј животен стил.

Освен за забава и вистинско адреналинско доживување, слеклајнингот се применува и како програма за терапија и фитнес.

Често пати слеклајнингот се смета како активност за надарени, талентирани луѓе. Global City Balance Challenge е иницијатива со едноставна цел: Да докажеме дека секој може да балансира на слеклајн! Слично е како учењето да се вози велосипед. Со правилен пристап може да се постигнат резултати за многу кратко време, а помага и во подобрување на стабилноста на ‘рбетот и избегнување на повреди во секојдневниот живот.
skopje-balansira_image

„Во еден ден колку што е можно повеќе луѓе да успеат да балансираат 10 секунди на слеклајн“

Еднаш стекнати, овие вештини не може да се изгубат, ниту да се заборават. Global City Balance Challenge е предизвик чија цел е во еден ден, што е можно повеќе луѓе да успеат да балансираат 10 секунди на слеклајн. На предизвикот до сега се приклучија повеќе градови ширум светот, како Њујорк, Токио, Минхен, Лозана, Велингтон и многу други.

Прочитајте:  Да ја обоиме Македонија во виолетово!

И Скопје се приклучува на оваа супер забавна иницијатива!

На 27-ми мај, во 12 часот во Градскиот Парк во Скопје, во тревникот кај тениските терени ЈУГ, Gibbon Slacklines Macedonia и Sport Inn ве повикуваат да дојдете и да пробате да балансирате 10 секунди и заедно Скопје да го ставиме на глобалната слеклајн мапа.

„Секој ќе има шанса да проба да постави свој личен рекорд во балансирање“

Настанот е отворен за сите посетители, без разлика на возраста, па освен поставување на рекордот, секој ќе има шанса да проба да постави свој личен рекорд во балансирање, најмладите ќе може да се забавуваат и да балансираат на детските слеклајн ленти, а љубителите на фитнесот ќе имаат можност да дознаат и нешто повеќе за SLACKFIТ – фитнес програмата на Gibbon.

За забавата на настанот ќе се погрижат Марко Новески и Dj Frantic, а дечките од Slackline Академијата ќе имаат можност конечно да ви ги покажат вештините и триковите што ги совладаа во изминатите месеци.

Дознајте повеќе на официјалната веб страна на GIBBON и Facebook страната на Gibbon Slacklines Macedonia.

За полесно да научите да балансирате на слеклајн, GIBBON разви бесплатна апликација со видео упатства за учење, стекнување вештини и трикови и совети како правилно да го користите вашиот слеклајн за да бидете фит. Апликацијата е достапна на Андроир и IOS.

*комерцијален текст

Sport_Inn_Slack_Academia_728x90


Споделете со пријателите!