Големо слеклајн шоу за отворањето на второто издание на „HFW EXPO“

Македонија викендов ќе живее здраво, бидејќи ќе биде во духот на „HFW EXPO“

Долгоочекуваниот викенд го прогласуваме за отворен! Се отвори второто издание на „HFW EXPO“, најголемиот интерактивен настан за здрав животен стил во Македонија.

Карлос Мерајо Гарсија, трикратниот првак на Шпанија во слеклајн, имаше неверојатна изведба на еластична лента. Изненадување на неговото шоу, беше Естонецот слеклајнерот Таури Вахасар. Тие изведуваа воодушевувачки акробатски точки и ги оставија без здив а воедно ги исполнија со адреналинска возбуда сите кои што присуствуваа на отворањето. Шоуто беше од интерактивен карактер, па така, на лентата се обидоа да балансираат многумина кои што беа љубопитни да дознаат какво е чувството да се оди на лента. Најхрабра беше организаторката Огнена Ристовска, која прва зачекори на лентата, секако со помош на Карлос. 

На овој саем, кој ќе трае цел викенд во хотел „Александар Палас“, ќе имате неповторлива можност на едно место да се информирате за сè што е најново во областа на здравиот животен стил. Дојдете и дознајте кои се најновите програми за вежбање, дегустирајте здрави напитоци, пробајте органска храна, испробајте најнови спортски и фитнес активности, козметички третмани, масажи, совети од специјалисти за здрав начин на живот и уште многу други активности.

Оваа година настанот е збогатен и со Kids Corner, катче специјално наменето за најмладите, каде секојдневно ќе има петчасовна програма со разни работилници за поттикнување на здрави навики уште од најмала возраст.

Настанот е наменет за сите оние кои што се водат според мотото “во здраво тело – здрав дух”.

PharmaNEWS.mk е онаму каде што се најдобрите, заедно со оние кои што воспоставуваат нови стилови и начини, па така, PharmaNEWS.mk е медиумски партнер на Health, Fitness & Wellness Expo 2016.

ФОТО: