sindrom-na-visnati-ochni-kapaci-mozhe-da-bidat-znak-za-nokjna-apneja_image
Споделете со пријателите!

Студијата од Лојола е уште еден доказ дека флопираните(спуштени) очни капаци може да бидат знак за апнеја при спиење.
Синдром на виснати очни капаци – Floppy Eyelid Syndrome (ФЕС) е состојба при која горниот очен капак ја губи својата еластичност, затварањето на окото станува лабаво, што е спротивно на одржување на строга повврзаност кон тарзалната плоча (сврзното ткиво). Лабавите горните очни капаци лесно може да се превртат.

Една нова студија е направена со цел обезбедување на дополнителни докази дека виснатите очни капаци може да бидат знак за ноќна апнеја. Студијата покажала дека 53 проценти од пациентите кои имаат апнеја во спиењето имале виснати горни очни капаци, кои истовремено се лабави и со гумен изглед.

Студијата од Лојола е уште еден доказ дека флопираните очни капаци може да бидат знак за апнеја при спиење.

Во студијата објавена во списанието, водечкиот автор Чарлс Бушард, и неговите колеги објавиле дека 53 проценти од пациентите со ноќна апнеја имале пониски и спуштени очни капаци кои биле лабави и со гумен изглед. Најтешките случаи кои се соочуваат со апнеја при спиење биле поврзани со најизразено паднати капаци на очите, но оваа асоцијација не е доволно силна за да може да се смета за статистички значајна.

Опструктивна ноќна апнеја се јавува кога горните дишни патишта постојано се блокирани, при што е оневозможен мирен сон. Симптомите вклучуваат гласно хрчење, поспаност во текот на денот и замор. Овој проблем зафаќа приближно 34 проценти од мажите и 17 проценти од жените, но до 80 проценти од засегнатите лица не се дијагностицирани.

Прочитајте:  Иницијатива наречена „вежбањето е лек“

Студијата Лојола вклучува 35 пациенти кои биле избрани од стручни лица специјалисти ноќна апнеа и нарушување на сонот, поради сомнеж дека имаат апнеја при спиење. Студиите направени во текот на ноќта потврдиле дека 32 од овие пациенти имале ноќна апнеја. После тоа била направена консултација со офталмолози при што се открило дека 17 од 32 пациенти со апнеја (53 проценти) имале послаб очен капак.

Меѓу методите кои ги користеле офталмолозите бил користен инструмент за мерење на тонусот на капаците развиен во Лојола наречен лаксометар.

Не е јасно зошто ноќната апнеја е поврзана со флопирани очни капаци. Една теорија сугерира дека оваа состојба е поврзана со низок степен на воспаление кое води до деградација на еластин, (протеин кој им овозможува на кожата и други ткива да останат еластични),

Бидејќи ноќната апнеа е сериозен проблем кој тешко се дијагностицира, офталмолозите може да бидат првите специјалисти кои ќе ги идентификуваат лицата со ризик за опструктивна ноќна апнеа и при тоа ќе ги насочат за да се докаже состојбата и да се превземат соодветни мерки.


Споделете со пријателите!