kako-da-si-pomogneme-dokolku-sme-skloni-kon-pojava-na-vrtoglavici_image
Споделете со пријателите!

Во рана пролет се интензивира проблемот со вртоглавици кај голем број на пациенти.
Периодот на рана пролет се карактеризира со временска нестабилност, чести промени на воздушниот притисок и појава на нови алергени. Една од последиците на овие појави е и интензивирање на проблемот со вртоглавици кај голем број на пациенти.

Вртоглавицата (вертиго) се дефинира како чувство дека личноста или средината наоколу се движи или се врти и како резултат на тоа доаѓа до губење на рамнотежа. Вртоглавицата е субјективно чувство и може да биде резултат на различни патофизиолошки процеси.

Ова чувство може да биде незабележливо или може да биде толку често што ги попречува секојдневните активности. Напад на вертиго може да се јави неочекувано и да трае неколку секунди или може да трае многу подолго.

Кои други симптоми се асоцирани со вртоглавицата?

  • Гадење и повраќање;
  • Тремор на окото (нистагмус);
  • Главоболка;
  • Зуење на ушите и/или ослабување на слухот;
  • Чувство на губење на рамнотежа (при што се пациентите често се навалуваат на една страна).

Кои се најчести причини за појава на вртоглавица?

  • Алергија поврзана со конгестија на синуси;
  • Вестибуларни нарушувања кои поттикнуваат т.н. позициско вертиго;
  • Воспаленија на внатрешното уво најчесто предизвикана од вируси. Инфекцијата ги зафаќа нервните завршетоци кои испраќаат сигнали до мозокот и се одговорни за одржување на рамнотежата на телото.
  • Повреди на главата и/или вратот, мозочен удар или тумор на мозокот;
  • Лекови кои предизвикуваат нарушување на функцијата на увото како и силни, мигренозни главоболки.
  • Недоволен внес на калории и вода!

Како да си помогнеме доколку сме склони кон појава на вртоглавици?

  • Штом личноста почувствува дека губи рамнотежа, веднаш да седне и да мирува некое време.
  • Доколку некое движење вообичаено предизвикува вргоглавица, тогаш тоа движење треба да се прави бавно, а при станување од кревет навечер се препорачува палење на пригушено светло.
  • Променете го начинот на живот: намалување на стресот, внес на доволни количини на вода, јадење на здрава храна и намален внес на сол.
  • Одбегнувајте кофеин, пушење и алкохол.
  • Одбегнувајте возење, пливање, качување по скали и други активности кај кои нападот на вртоглавица би можел да доведе до посериозни повреди.
Прочитајте:  Прва помош при појава на акутна дијареа

Споделете со пријателите!