vrtoglavica-simptomi-kako-se-lekuva_image
Споделете со пријателите!

Вертиго или чувство на вртење и губење на рамнотежа
Вртоглавицата претставува симптом односно чувство дека личноста или средината наоколу се движи или врти. Ова чувство може да биде незабележливо или може да биде толку често што ги попречува секојдневните активности. Напад на вертиго може да се јави неочекувано и да трае неколку секунди или може да трае многу подолго. Други симптоми кои можат да бидат придружени со вртоглавицата се гадење, тремор на окото (нистагмус), главоболка, зуење на ушите или губење на слухот.

Причина за вертиго може да е проблем со центарот за рамнотежа во средното уво или некоја невролошка состојба. Некои од најчестите причини вклучуваат: БППВ, Мениерова болест, Вестибуларен невритис.

Бенигниот пароксизмален позициски вертиго е најчестиот тип на вертиго, поттикнат од вестибуларните нарушувања. Тоа е бенигна состојба која не настанува заради заболување на централниот нервен систем. БППВ се јавува најчесто во средната возраст и кај повозрасната популација. Меѓутоа, може да се јави и кај помладите лица, особено по траума на главата.

Мениерова болест се карактеризира со зголемена количина на ендолимфа во внатрешното уво. Дијагнозата се базира на три симптоми:тинитус или чувство на притисок во увото, рекурентно ротациско вертиго и нарушен слух.

Вестибуларен невритис – воспаление на внатрешното уво најчесто предизвикана од вирус. Инфекцијата предизвикува воспаление на внатрешното уво и ги зафаќа нервните завршетоци кои испраќаат сигнали до мозокот и се одговорни за одржување на рамнотежата на телото.

„Во некои случаи вртоглавицата може да биде предизвикана од повреда на главата и вратот, мозочен удар итн.“

Во некои поретки случаи вртоглавицата може да биде предизвикана од повреда на главата и вратот, мозочен удар или тумор на мозокот, лекови кои предизвикуваат нарушување на функцијата на увото, мигренозни главоболки.Лекови кои се користат во третман на вертиго се: антихистаминици, антихолинергици, бензодијазепини, betahistin, калциум канал блокери (cinnarizine, flunazin), антиеметик (metoclopramide). Се препорачуваат да се практикуваат одредени вежби кои можат да помогнат во третманот на вртоглавицата односно ублажувањето на симптоми: штом се почувствува личноста дека губи рамнотежа, веднаш да седне, ако знае дека некое движење кои вообичаено го практикува предизвикува вргоглавица, тогаш тоа движење треба да се прави бавно, при станување од кревет навечер се препорачува палење на пригушено светло. Се препорачува да се смени стилот и начинот на живот, односно: да се намали стресот, да се внесува големо количество на вода, да се јаде здрава храна и да се намали внесување на сол.

Прочитајте:  Погрижете се да остварите контакт „очи во очи“ со вашето дете

Д-р Зоран Максимовиќ, специјалист оториноларинголог


Споделете со пријателите!