Антидепресивите со себе носат предупредување за ризик од зголемено самоубиствено размислување и однесување кај некои лица на возраст под 25 години.
Антидепресивите често се ефективен начин за лекување на психички болести, вклучувајќи ги и депресијата и анксиозноста. Сепак, употребата на антидепресиви од страна на деца, тинејџери и млади на возраст од 18 до 24 години треба внимателно да се следи, бидејќи ретко може да има сериозни несакани ефекти. Меѓудругото, антидепресивите со себе носат предупредување за ризик од зголемено самоубиствено размислување и однесување кај некои лица на возраст под 25 години.
Зошто антидепресивите имаат предупредувања за самоубиствено однесување кај децата?
Американската управа за храна и лекови објави дека деталната анализа на клиничките истражувања покажала дека антидепресивите може да предизвикаат или да го влошат самоубиственото размислување или однесување кај мал број деца и тинејџери што страдаат од психички болести. Анализата покажала дека децата и тинејџерите кои земале антидепресиви имале мало зголемување на самоубиствените мисли, во споредба со оние кои земале шеќерни пилули (плацебо).
Ниту едно од децата вклучени во студијата всушност не го одзело својот живот, но сепак, од Американската управа за храна и лекови велат дека наодите од истражувањата биде доволно загрижувачки за да побараат од производителите на лековите да се етикетираат антидепресивите со предупредувања за поврзаноста на истите со самоубиственото размислување и однесувањето кај децата, адолесцентите и младите на возраст од 18 до 24 години. Сепак, не сите истражувачи за психичко здравје веруваат дека овие предупредувања се неопходни. Понови истражувања тврдат дека придобивките од антидепресивите може да бидат поголеми од ризикот од самоубиство. Исто така, многу истражувања покажале дека стапките на самоубиства кај децата се намалуваат со земањето на антидепресиви.
Дали децата воопшто треба да се лекуваат со антидепресиви?
Предупредувањата за можната поврзаност помеѓу антидепресивите и самоубиствените мисли не значат дека антидепресивите не треба да се користат кај децата. Меѓудругото, предупредувањата не треба да ги исплашат луѓето од антидепресивните лекови. Сепак, истите треба да се имаат на ум како предупредување за внимателна употреба на антидепресивите кај деца и тинејџери.
За многу од младите антидепресивите се ефикасен начин за лекување на депресија, анксиозност, опсесивно-компулсивно нарушување или други состојби на ментално здравје. Доколку овие состојби не се третираат ефективно, детето можеби нема би имало можност да води исполнет и нормален живот.
Што треба да се направи пред едно дете да започне да зема антидепресиви?
Важно е детето да биде внимателно прегледано од страна на психијатар пред да започне да зема антидепресиви. Психијатриска проценка од страна на специјалист којшто е искусен во третманот на психички нарушувања кај деца и тинејџери треба да вклучи:
- Детален преглед при кој ќе се земат предвид сите ризични фактори што може да зголемат ризикот од самоповредување кај детето;
- Проценка дали детето може да има други психички болести, како што се анксиозноста, дефицит на внимание, хиперактивност или биполарно растројство;
- Евалуација дали постои историја на психички болести самоубиства или обиди за самоубиства во семејството.
