svetski-den-na-dijabetesot_image
Споделете со пријателите!

Во моментов над 199 милиони жени во светот живеат со дијабетес. Овој вкупен број се очекува да се зголеми на 313 милиони до 2040 година
Темата на овогодишниот Светски ден на дијабетисот го носи насловот „Жените и дијабетесот – нашето право на здрава иднина“.

Кампањата ќе ја промовира важноста на достапноста до основните лекови и технологии за третирање на дијабетесот, како и до основните информации во врска со болеста за сите жени кои се изложени на ризикот од заболување или кои живеат со дијабетес, сè со цел да се постигнат оптимални резултати во третирањето и спречувањето на болеста.

Оваа година фокусот е насочен кон:

1. Сите жени со дијабетес кои бараат пристапност до подобра грижа и образование за подобро управување со дијабетесот и подобрување на здравјето

Поддржувачки факти

  • Во моментов над 199 милиони жени во светот живеат со дијабетес. Овој вкупен број се очекува да се зголеми на 313 милиони до 2040 година;
  • Две од секои пет жени со дијабетес се со репродуктивна возраст, што значи над 60 милиони жени ширум светот;
  • Дијабетесот е деветта водечка причина за смрт кај жените во светот, предизвикувајќи 2,1 милион смртни случаи годишно;
  • Жените со дијабетес тип 2 имаат скоро 10 пати поголеми шанси да имаат коронарна срцева болест од жените без дијабетес;
  • Жените со дијабетес тип 1 имаат зголемен ризик од ран абортус или раѓање на бебе со деформации.

2. Бремените жени што бараат подобар пристап до скринингот, подобра грижа и образование за дијабетесот со цел да постигнат позитивни здравствени резултати за себе и своето дете

Поддржувачки факти

  • Гестацискиот дијабетес влијае на 1 од 7 бремености;
  • International Diabetes Federation проценува дека 20,9 милиони или 16,2% од новородените деца во 2015 година имале некаква форма на хипергликемија во бременоста. Околу половина од жените со историја на гестациски дијабетес продолжуваат да развиваат тип 2 дијабетес во рок од пет до десет години по породувањето;
  • Половина од сите случаи на хипергликемија во бременоста се јавуваат кај жени на возраст под 30 години;
  • Најголемиот дел од случаите на хипергликемија во бременоста биле во земјите во развој каде што пристапот до грижата за бремените жени и родилките е ограничен.
Прочитајте:  29 септември - Светскиот ден на срцето [ВИДЕО]

3. Жените и девојчињата коишто се клучни двигатели во усвојувањето на здрави животни стилови за подобрување на здравјето и благосостојбата на идните генерации

Поддржувачки факти

  • До 70% од случаите на дијабетес тип 2 може да се спречат преку усвојување на здрав начин на живот;
  • 70% од предвремените смртни случаи кај возрасните во голема мера се должат на однесувањето за време на адолесценцијата;
  • Жените во улогата на мајки имаат големо влијание врз долгорочниот здравствен статус на своите деца;
  • Истражувањата покажуваат дека кога на мајките им се дава поголема контрола врз ресурсите, тие одвојуваат повеќе за храна, здравјето и исхраната на децата, како и образование.

Споделете со пријателите!