Сте слушнале ли некогаш за овој метод на релаксирање?
Brain dumping е метод кој ќе ви помогне сите ваши мисли да ги извадите пред себе, на лист хартија. Тоа е нешто како пишување дневник, но без никакви правила. Целта на оваа техника е да ве опушти, да ве ослободи од секојдневниот стрес, да ве направи поефективни и пофокусирани. Освен тоа, доколку запишувате некои мали задачи, никогаш ништо нема да заборавите. Замислете како сите наши приблеми, незавршени работи, тековни ситни задачи се таложат и прават една имагинарна висока кула во нашите мисли. Секојдневниот брз начин на живот нè прави расеани и помалку фокусирани. Добрите идеи се губат во баналните секојдневни мисли и потоа засекогаш се забораваат.
Не е важно што ќе напишете, нацртате или избоите – важен е самиот процес.
Потребен ви е само лист хартија за да го промените ова. Со техниката brain dumping организирајте се и систематизирајте го секојдневието. Бидете практични но и креативни – на листот има место за сè – од цртање до пишување неповрзани зборови, списоци што треба да направите или да купите, запишување време за состаноци, пишување иновативни идеи. Можете да си направите навика и да запишувате по нешто што ве мачи или за што размилувате пред да заспиете. Тоа може да ви стане смирувачки ритуал.
