Зошто цревниот микробиом кај бебињата кои се доени е поразличен од кај оние кои се хранат со млечна формула?
Една нова студија на стаорци појаснува зошто цревниот микробиом кај доените дечиња значително се разликува од оној кај доенчињата кои се хранат со вештачко млеко.
Студијата е објавена во јули 2020 година во Journal of Lipid Research. Во неа е опишана иновативна техника развиена на Универзитетот Корнел во Соединетите Американски Држави со која се проследува патот и развојот на метаболитите, продукти на метаболизмот. За да го направат ова, истражувачите го набљудувале дигестивниот тракт на глувците и следеле како точно метаболитите комуницираат со специфични цревни бактерии.
Елизабет Џонсон, асистент по наука за храна на Колеџот за земјоделство и био науки, верува дека методот е применлив за многу други микробиоми како и човечкиот. Овој метод може да им биде од корист дури и на експертите што ги проучуваат ефектите на диетите кои се засноваат на голема количина маснотии, оние со малку маснотии или кето диетите. Методологијата открива како одредени метаболити ги подпомагаат одредени видови цревни бактерии. Така, нутриционистите ќе можат да им дадат насоки на своите пациенти каква храна да јадат за да го променат составот на нивниот микробиом.
Сфинголипиди
Мајчиното млеко, како и многу други намирници, содржи класа на липидни метаболити наречени сфинголипиди. Научниците претходно откриле дека овие метаболити го одредуваат микробиомот кај мали деца, но не биле сигурни дали сфинголипидите имаат взаемно дејство со него по некаков начин.
Студијата разликува два вида цревни бактерии:
- бактероиди (вид на грам-негативни бактерии)
- и бифидобактерии, кои ги користат сфинголипидите за сопствениот метаболизам.
Бактероиди (вид грам-негативни бактерии)
Се уште не е разјаснета специфичната улога на цревните бактерии за човечкото здравјето.
Бактероидите можат да имаат и позитивни и негативни ефекти, во зависност од околностите. Овој тип на бактерии се наоѓа претежно во микробиомот на здрави бебиња кои се доени.
За прв пат, бифидобактериите кои ги преработуваат сфинголипидите од храната се сметаат за основен вид корисна бактерија, сочинувајќи го 95% од микробиомот на доените бебиња.
Покрај тоа, тие се најдобриот природен пробиотик кој не треба да се купува од аптека.
Елизабет Џонсон вели дека нејзиниот тим прави се за да разбере како и која храна точно влијае на микробиомот, што ќе им покаже и какви промени во исхраната се потребни за да се одржи добро здравје на секој поединец. Во оваа студија се покажало дека диеталните липиди, кои се главен дел од исхраната на бебињата кои се доени, тесно комуницираат со микробиомот на цревата.
Главните извори на сфинголипиди се три: исхрана, бактериите кои ги произведуваат и повеќето ткивни домаќини.
Иновативна техника за следење на сфинголипиди во гастроинтестиналниот тракт откриена од Џонсон и Мин-Тинг Ли, автор на студијата, ги проследува само сфинголипидите од храната што минуваат низ цревниот тракт на глувчето. Истражувачите ги синтетизирале сфинголипидите така што тие биле речи си идентични со оние во мајчиното млеко, со едвај забележлива хемиска карактеристика за да може полесно да се разликуваат и следат во гастроинтестиналниот тракт на глувчето по ингестијата. Била користена црвена флуоресцентна светлина за да послужи како индикатор за оние клетки или бактерии кои ги апсорбирале сфинголипидите. Така, успеваат да ги изолираат и анализираат само бактерииите обоени во црвена боја од микробиомот на глувчето. Популацииите со црвени бактерии биле одделени од другите и потоа биле подложени на методот на генетско секвенционирање за да се идентификуваат бактериските видови. Ли успева да открие метаболити кои се произведени од бактериоиди и бифидобактерии после апсорпцијата на сфинголипиди. Научниците допрва треба да утврдат до кој степен ново-формираните метаболити се корисни за бебињата.
Елизабет Џонсон и нејзините колеги добија финансиска награда за истражување од Националниот институт за здравство за период од 5 години за да им помогнат да ја завршат својата работа и да ја откријат врската помеѓу внесот на липиди и здравјето на луѓето.
