Познати и како арапска гума, влакната од багремот се познати по бројните здравствени придобивки
Благодарение на големото количество на растворливи влакна, багремот се смета дека помага во одржувањето на нивото на холестерол, го одржува нивото на шеќер во крвта и заштитува од дијабетес. Се користи во третманот на дигестивни нарушувања вклучувајќи го и синдромот на иритирани црева. Овие диетални влакна се растворливи во вода и формираат геловидна супстанца во цревата.
Влакната на багремот се смета дека го намалуваат апетитот и помагаат во слабеењето, го намалуваат воспалението, ја ублажуваат констипацијата и дијарејата.
Иако многу малку студии досега ги тестирале здравствените ефекти на багремот, постојат докази дека багремовите влакна нудат одредени здравствени придобивки. Прелиминарните студии сугерираат дека влакната од багремот можат да помогнат во одржувањето на нивото на холестерол во крвта на оптимално ниво. Во еден извештај од 2009 година објавен во Food and Chemical Toxicology, истражувачите ги анализирале достапните истражувања на оваа тема и откриле дека растителните влакна на багремот го намалуваат нивото на холестерол кај стаорците.
Растителните влакна од багремот можат да помогнат во заштитата на одредени компликации поврзани со дијабетесот, според студија спроведена врз животни објавена во Kidney & Blood Pressure Research во 2012 година. Во тестовите на глувци со дијабет, научниците тврдат дека третманите со растителни влакна од багрем помогнале да им се намали крвниот притисок. Авторите на студијата сугерираат дека влакната од багремот можат да ги заштитат пациентите болни од дијабет од дијабетската нефропатија, вид на оштетување на бубрезите.
Друга научна студија исто така спроведена врз животни укажува дека влакната од багремот можат да помогнат во заштитата на црниот дроб од оштетувања поради консумирање на лекот acetaminophen, лек што се користи за ослободување од болки. На пример, студија од 2003 година објавена во Pharmacology Research откри дека лекувањето на глувците со влакна од багрем пред давањето на ацетаминофен на заморчињата, помогна во заштитата на нивниот црн дроб од токсичните последици од лекот. Според авторите на студијата, растителните влакна од багремот можат да помогнат во справувањето со оштетувањата на црниот дроб намалувајќи го оксидативниот стрес.
Поради недостаток на истражувања, малку се знае за безбедноста на долготрајната употреба на влакната од багремот.
Консумирањето на големи количества на растителни влакна од било кој вид во краток временски период, може да предизвика голем број на несакани последици (вклучувајќи гасови, подуеност и грчеви). Поради тоа важно е постепено да се зголемува количеството на растителни влакна од багрем што треба да се консумира.
Суплементите не се строго тестирани за безбедност и поради фактот дека додатоците во исхраната се во голема мера нерегулирани, содржината на некои производи може да се разликува од она што е нагласено на амбалажата. Исто така, имајте во знаење дека безбедноста на суплементите кај бремените жени, мајките што дојат, децата и пациентите со одредени дијагнози или кои земаат лекови, не е потврдена.
Затоа консултирајте се со вашиот лекар или фармацевт пред да започнете со употреба на суплементите кои во себе содржат багрем.
