nega-na-chuvstvitelnata-bebeshka-kozha_image
Споделете со пријателите!

Бебешката кожа е многу чувствителна и за да се избегне иритација потребно е да биде внимателно негувана
Бебешката кожа е многу нежна и чувствителна и затоа е потребно многу да внимавате за нејзината нега. Деликатната кожа може да биде раздразнета и иритирана од многу нешта. Хемикалиите во некои продукти за нега, парфемите и детергентите се само дел од многуте потенцијални причинители на воспаленија, иритација и осип. Бебешката кожа е многу нежна и чувствителна и за да се избегнат осипи и иритација, потребно е да биде внимателно негувана. За среќа, постојат многу начини да ја заштитите деликатната кожа на вашето бебенце.

ОСИПИ

Малите бебиња се склони кон осипи. Добрата вест е што повеќето од нив не предизвикуваат штета и исчезнуваат по кратко време. Најраспространет проблем е т.н. пеленски осип. Тој најчесто е предизвикан поради контактот на бебешката кожа со урината или столицата или заради претесни пелени, но може да биде предизвикан и ако кожата после капење не е доволно исушена, од бактерија, примање на антибиотици или од одреден бренд на пелени и влажни марамчиња. Во повеќето случаи на ваков тип осип не е неопходна медицинска помош. Ако вашето бебе има зацрвенета кожа во областа на пелените, еве неколку совети:

  • Проверувајте ги пелените на бебето многу често;
  • Ако пелените се влажни или валкани веднаш треба да бидат сменети;
  • Не ги стегајте пелените. Тие не треба да бидат претесно поставени;
  • Капете го вашето малечко или само со вода или со нежни бебешки продукти, по можност без никаква или со слаба миризба;
  • Не користете бебешки влажни марамчиња, туку нежна чиста влажна крпа. Парфемот или алкохолот од влажните марамчиња може дополнително да ја иритира бебешката кожа;
  • Внимателно и целосно сушете ја неговата кожа после капење. Не му ги ставајте пелените, ако неговото газе не е доволно суво. Исто така, не треба да триете со крпа за да ја исушите кожата;
  • Не користете бебешка пудра;
  • Ако осипот не помине за 2-3 дена или ако се влошува, веднаш контактирајте со вашиот педијатар.
Прочитајте:  [2 дел] Потребна дневна доза и основни извори на минералите

КАПЕЊЕ

Премногу топлата вода и честото капење можат дополнително да ја исушат бебешката кожа. На тој начин природната маснотија исчезнува и кожата е склона кон иритација. Еве неколку совети за капење со кои можете да ја спречите појавата на осип:

  • Најдобро е да не го капите вашето малечко секој ден;
  • Три пати неделно се сосема доволно;
  • Времето на капење треба да биде минимално, затоа што предолгата изложеност на вода ја суши нежната кожа кај бебињата;
  • Користете нежни продукти наменети за бебиња, по можност без силна арома;
  • Капете го темелно. Не пропуштајте ги местата зад ушите, помеѓу насобраната кожа и прстите на рацете и нозете. Тоа е малку поголем предизвик, затоа што бебињата се склони да ги држат рацете во тупаница;
  • По капењето, пред да му ги ставите пелените, бидете сигурни дека целосно сте ја исушиле неговата кожа;
  • Најдобри креми за нега на бебешката кожа се оние кои содржат цинк оксид.

ТКАЕНИНИ

Избирајте нежни ткаенини кои ќе бидат пријатни за кожата на бебето. Облеката која е 100% од памук ѝ овозможува на кожата да дише и не ја иритира. Внимавајте со каков детергент ја перете облеката на вашето најмило. Користете нежни прашоци за перење. Секогаш кога ќе купите нова облека, прво треба да ја исперете. Дури и да е купена од најелитната продавница, ако не е идеално чиста, може да предизвика иритација на кожата на вашето бебе.


Споделете со пријателите!