Денес, постојат природни препарати кои ги содржат добрите бактерии од вагиналната микрофлора кои го намалуваат ризикот од појава на инфекција
Вагинални инфекции можат да настанат од бактерии, габи или вируси кои може да се најдат во околината на вагината. Овие инфекции може да настанат поради промена на pH на вагиналната слузница, намален број на млечно киселински бактерии и ниска концентрација на млечни киселини.
Најчести видови се:
- Бактериска вагинална инфекција;
- Вирусна вагинална инфекција;
- Кламидија;
- Гонореја;
- Кандида.
Најчесто како први симптоми се јавуваат чешање, печење и болка за време на мокрење, болка во долниот дел на стомакот, болка при односи, црвенило, промена на бојата и обилноста на вагиналната течност.
Вагиналните инфекции не се животно загрозувачки состојби, но сепак би требало да се посоветувате со лекар доколку:
- Никогаш до сега не сте имале вагинална инфекција;
- Сте имале вагинална инфекција, но имате симптом кој прв пат се појавува;
- Имате покачена температура;
- Сте бремени;
- Имате симптоми кои повторно се појавиле после третман на инфекцијата.
Вагиналните инфекции исто така може да настанат од различни иританти како што се: сапуни, купки за тело, парфеми, вагинални контрацептиви итн.
Поголем дел од жените ги имаат искусено овие симптоми и тие воопшто не се пријатни, а и доста влијаат на квалитетот на животот. Доколку инфекцијата е посериозна и во понапредна фаза се препорачува употреба на антибиотици во комбинација со природни препарати и унапредување на хигиенски навики. Од природни препарати кои се користат за третман и превенција на ваков тип на инфекции се препорачува: пробиотици, чајно дрво, есенцијални масла од оригано, борна киселина, кокосово масло, јаболков оцет, лук, витамин Ц итн. Доколку сте сколни на вагинални инфекции се препорачува превентивен третман со природни препарати кои што не предизвикуваат никаква штета. Тоа се препарати кои се комбинација од млечно киселински бактерии односно пробиотици (Lastobacillus acidophilus), млечна киселина и изофлавони и се идеални за третман и превенција на ваков вид на инфекции. Доколку сте во можност користете препарати кој се аплицираат локално (вагиналети) поради брзото и таргетирано дејство. Доколку има потреба истите може да се користат и во комбинација со антибиотици.
М-р фарм. Јулијана Златева
