Месечева диета
Оваа диета ветува цели три килограми помалку за само 24 часа
За што се работи: Како што наведува името, оваа диета е поврзана со месечевите циклуси. Имено, кога Месечината е полна, и кога е млада, тогаш започнувате со пиење исклучиво течности, најмногу вода и природно цедени сокови од зеленчук и овошје, без додатоци на шеќер. Зошто Месечината? Бидејќи гравитационата сила влијае врз плимата и осеката, односно врз живиот свет на Земјата вклучувајќи го и човекот. За време на полна месечина, многу луѓе имаат проблеми со спиењето и чувствуваат голема нервоза и раздразливост. Месечевата диета е впрочем детокс диета која се базира исклучиво на течност, но спакувана во мистична теорија поврзана со Месечината. Не постојат докази дека овој начин на детоксикација поинаку би влијаел во други денови, отколку во оние кога Месечина е полна или млада. Секако дека ќе ослабете ако не јадете ништо цел ден, но само привидно. Најважното е тоа што ќе го изгубите нема да биде сало, туку вода, така што килограмите многу брзо ќе се вратат назад.
