zosto-se-boite-na-telesnite-tecnosti-takvi-kakvi-sto-se
Споделете со пријателите!

Телесните течности се различно обоени и треба да се внимава на секоја промена на нивните бои
Телесните течности се особени важни за нашето здравје. Сите имаат одредена боја и од големо значење е да знаеме каква треба да биде нивната  вистинска боја затоа што секоја нејзина промена може да ни посочи на некаков проблем со нашето здравје. Еве какви треба да бидат боите на некои од телесните течности и зошто се тие такви какви што се.

Крв

Сите сме се соочиле со некакво крварење во текот на нашиот живот и знаеме дека крвта има црвена боја. Крвта ја добива својата боја како резултат на црвените крвни зрнца чија задача е да пренесуваат кислород до ткивата во телото. Секое од црвените крвни зрнца содржи хемоглобин, а хемоглобинот е протеин во кој има атом на железо. Токму хемиските врски помеѓу молекулите на кислород и железо ја прават крвта да изгледа црвена. Затоа крвта која се испумпува од срцето е светло црвена, а пак онаа која патува кон срцето е со кафеникаво-црвена боја (поради недостатокот на кислород во неа).

Урина

Урината е најчесто жолтеникава по боја, но се појавува и во неколку други нијанси. Здравата урина може да биде скоро проѕирна, односно бистра, или малку жолтеникава по боја. Ако е многу потемна може да ни посочува на дехидратација или пак ако е посветла може да биде знак за пиење премногу вода.

Розеникава или црвена боја може да се појави поради нешто сосема безопасно, како јадење цвекло на пример, или пак поради нешто многу посериозно, како крварење поради бубрежна инфекција, инфекција на уринарниот тракт или пак труење со жива.

Портокаловата боја може да биде знак на дехидратација на организмот или пак на некаков проблем со каналите во црниот дроб или жолчката. Сината или зелената боја на урината се најчудните бои во кои таа може да биде обоена. Овие бои може да бидат резултат на некакво генетско заболување, одредени бактерии или пак обоена храна. Најдобро е да се обратите на лекар доколку урината е обоена во други бои освен тие што укажуваат на здрава урина.

Прочитајте:  Настинка и грип – знаете ли да ги разликувате?

Сперма

zosto-se-boite-na-telesnite-tecnosti-takvi-kakvi-sto-se_1Бојата на спермата може малку да варира, односно да биде белузлаво проѕирна или пак побистра. Спермата што е побистра може да биде резултат на помала конзистентност на сперма, и обратно, таа што е белузлава е резултат на поголема конзистентност. Секаква друга боја е нешто за кое би требало да се консултирате со лекар. Розова или црвеникава сперма може да биде знак за воспаление или крварење во простатата. Жолта сперма може да означува урина во спермата, жолтица или пак високо ниво на бели крвни зрнца.

Слуз

Слузта е доста важна за правилно функционирање на нашиот организам. Таа е лигава, леплива супстанција која се наоѓа во белите дробови, синусите и гастроинтестиналниот тракт. Нејзината улога е да спречи овие делови од телото да се исушат. Бојата на слузта може да ни покаже што се случува во нашето тело. Кога сме здрави слузта е вообичаено бистра, но кога сме настинати или се соочуваме со грип бојата може да се смени. Настинката резултира со жолта или зелена боја на слузта како резултат на зголемениот број на бели крвни зрнца (белите крвни зрнца содржат зеленикав ензим и тоа прави слузта да добие слична нијанса на боја). Слузта може да биде црвеникава или кафеникава по боја доколку во неа има крв. Крв најчесто се појавува кога носот е надразнет или пак кога ѕидовите на носната шуплина се суви, најчесто во текот на зимата. Посетете лекар ако има поголема количина на крв во слузта или ако тоа трае подолго време.


Споделете со пријателите!