Пилешка супа

Нашата омилена супа од детството

Количините се отприлика, без мерење, а од состојките, пилешкото, морковите и компирите се обавезни, а друго, зависи од сезонската понуда на зеленчуци и моменталното расположение. Пашканат, целер, брокули, карфиол, тиквица, грашок, многу ретко фиде, опциите се безброј понекогаш една шака ориз или јачмен или пченица, магдонос или спанаќ или ливчиња целер… дури и листови од брокула или од карфиол. Изматено јајце или кнедли се секако опција.

Наполнете големо тенџере со вода и ставете го копанот да се вари, прво на јако, а кога ќе зоврие водата, намалете ја температурата на слабо, ставете капак на тенџерето и оставете го копанот да се вари додека не е целосно сварен и месото не почне да се одвојува од коската.

Извадете го копанот од супата и оставете го да се олади. Ставете ги да се варат компирите и малку зголемете ја температурата на ринглата. На компирите им треба повеќе време да се сварат од другите зеленчуци, па се ставаат први, а доколку несакате зеленчуците да се праварат ставајте ги кога ќе им дојде ред. Кога копанот ќе се олади доволно да можете да го држите, одвојте го месото од коската и од кожата, исецкајте го и вратете го во супата.

Варете ги компирите 10-тина минути, не мора да се целосно омекнати, ќе се доварат заедно со другите работи. Ако ставате целер, сега му е време, па пашканат. После компирите ставете ја и пченицата и сушениот зеленчук. Потоа морковите, а 10-тина минути по морковите, карфиолот и солта. Потоа дршките од брокулите, а кога сé ќе биде сварено, ставете ги цветовите од брокулите заедно со неколку нивни ливчиња и оставете ги да се варат само 1 – 2 минути. Тргнете го тенџерето од шпоретот и ставете магдонос, ако имате, или неколку листови спанаќ.

Послужете ја супата веднаш.

 

* рецептите со во целост превземени од ситно сецкано