Тартови со маскарпоне и вкусни јагоди како десерт за совршено пролетно попладне
Во периодот која јагодите ги имате како сезонско овошје ви претставуваме уште еден десерт најубавото сезонско овошје.
- 1½ шолји сенаменско брашно;
- 1⅓ шолји интегрално грахам брашно;
- 1 лажиче сода бикарбона;
- прстофат сол;
- 225 г путер, омекнат на собна температура;
- ⅔ шолја темно кафеав шеќер;
- 3 лажици мед.
Изматете ги со миксер путерот, шеќерот и медот, додека не се соединат убаво, околу 2 – 3 минути. Додајте ги брашната, содата и солта и кратко изматете сè. Притиснете го тестото во топка или диск, завиткајте го во пластична фолија и ставете го во фрижидер на час или два. Можете да го направите и неколку дена однапред и да го чувате во фрижидер.
Предлог: Пред да го исукате тестото, поделете го на парчиња, така ќе ви се олесни работата. Но доколку сакате, можете и целото одеднаш да го исукате, на површина посипана со брашно.
Формите за мали тартови (можете да користите поединечни форми или тавче за мини или големи мафини) премачкајте ги со малку путер. Тестото развлечете го на дебелина од околу 3 мм и исечете од него кругови малку поголеми од дното на формите кои ги користите. Во секоја форма, рамномерно на дното и страните притиснете по едно кругче тесто.
Ако користите како основа тавче за мини мафини, од овие количини за тестото ќе добиете нешто повеќе од 50 тартчиња.
Ставете ги тестата да се печат во рерна загреана на 175°C. печете ги околу 15 – 17 минути, или додека не се заруменат убаво. Кога ќе се оладат, малку ќе се стврднат и можат лесно да се извадат од калапите. Чувајте ги во затворена кутија додека не дојде време да ги послужите.
Совет: тестото можете да го испечете и како бисквити. Исукајте го врз хартија за печење на дебелина од 3 мм и префрлете го заедно со хартијата во тавче. исечете го на квадрати или правоаголници, без да ги одвојувате. Исечените линии ќе послужат за лесно кршење откако ќе се испече. Печете го исто како и корпичките.
- 500 г маскарпоне;
- 500 г кисела павлака;
- јагоди (или овошје по желба).
Убаво измешајте ги маскарпонето и павлаката и ставете по малку во секоја корпичка. Врз филот ставете цели или исецкани јагоди или некое друго свежо овошје. Добро би дошле капини, малини, рибизли, цреши, вишни, кајсии, праски, сливи, смокви… ако овошјето не е доволно благо, во филот ставете малку мед, ама прво пробајте, бидејќи тестото е доволно благо.
* рецептите со во целост преземени од ситно сецкано
