probiotici-kako-ajdjuvantna-terapija-pri-gastritis
Споделете со пријателите!

Пробиотиците успешно се користат во третман или превенција на неколку гастроинтестинални нарушувања како што е акутна дијареа и дијареа предизвикана од антибиотици, синдром на иритабилни црева и Кронова болест
Helicobacter pylori е еден од најчестите патогени во светот. Helicobacter pylori е бактерија со спирален облик кој и помага да пенетрира во протективниот гастричен мукус. Таму продуцира супстанција која го оштетува гастричниот мукус.Со тоа мукусот станува подложен на оштетување од страна на желудочната киселина. Бактеријата, исто така, може да се адхерира на клетките на желудникот и да предизвика гастритис. Со тек на време бактериската инфекција може да го зголеми ризикот од канцер. Иако кај некои H. pylori-позитивни лица заболувањето е асимптоматско, многу пациенти имаат симптоми како што е диспепсија.

Интересни факти за откривањето на Helicobacter pylori можете да прочитате во следниов текст: Како Велигден помогна да се урне митот за чировите

Терапијата од прв ред за инфекција со Helicobacter pylori е седумдневна тројна терапија која вклучува кларитромицин, амоксицилин и инхибитор на протонска пумпа. Иако оваа краткотрајна тројна терапија е ефективна, кај значителен број пациенти се јавуваат несакани ефекти. Најчести несакани ефекти се дијареа, епигастрична болка, гадење и надуеност кои водат до прекин на терапијата.

Пробиотиците се живи микроорганизми кои имаат позитивни ефекти врз здравјето на луѓето. Пробиотиците успешно се користат во третман или превенција на неколку гастроинтестинални нарушувања како што е акутна дијареа и дијареа предизвикана од антибиотици, синдром на иритабилни црева и Кронова болест.

Се покажало дека администрирањето на пробиотик два пати на ден помага при намалување на фреквенцијата, како и интензитетот на симптомите кај Helicobacter pylori. Пробиотската терапија ја редуцира фреквенцијата на дијареа, повраќање, констипација, нарушувањето на осетот за вкус, како и металниот вкус. Точниот механизам на кој пробиотиците делуваат во гастроинтестиналниот тракт сѐ уште не е познат. Се покажало дека микрофлората се менува во текот на терапијата на Helicobacter pylori. Можно е пробиотиците да се спротивставуваат на оваа промена. Доколку се правилно администрирани, пробиотиците се способни да преживеат во гастроинтестиналниот тракт за време на тројната терапија.

Прочитајте:  Зошто е потребен Витаминот А?

Д-р Митко Манчев


Споделете со пријателите!