Прелиминарните студии за имунитет на коронавирус покажуваат дека не сите опоравени пациенти развиваат антитела потребни за да се заштитиме од вирусот.
Светска здравствена организација (СЗО) на 11 април за Ројтерс објави дека ги истражува извештаите на пациентите со коронавирус кои првично биле тестирани негативно, при повторно тестирање неколку денови подоцна тие добиле позитивни резултати за присуство на вирусот.
„Ние сме свесни дека постојат лица кои добиле негативни резултати за COVID-19 користејќи PCR и потоа после неколку дена повторно биле тестирани позитивно“, изјави за Ројтерс портпаролот на СЗО.
Во петокот, Јужна Кореја објави дека 91 пациенти со коронавирус за кои се верува дека се опоравиле од болеста, повторно се позитивни на вирусот.
Упатствата од СЗО за клиничкиот третман кажуваат дека пациент болен од COVID-19 е клинички здрав доколку се тестира негативно за вирусот двапати, со тестови спроведени на интервал од најмалку 24 часа , пред да биде одпуштен од болница.
Пациентите со COVID-19 во Јужна Кореја биле пуштени дома по добиен негативен резултат за болеста – сепак, спроведените тестови подоцна покажале позитивни резултати. Здравствените претставници на Јужна Кореја соопштија дека ќе започнат епидемиолошки истражувања за да утврдат што стои зад овој тренд. Директорот на Центрите за контрола и превенција на болести во Кореја, во брифингот за вести изјавил дека е многу по вероватно вирусот да е „реактивиран“ кај пациентите, одколку повторно да се заразат.
„Ние придаваме поголема тежина на реактивирање како можна причина, и затоа спроведуваме сеопфатна студија за ова“, рече Jeеонг.
„Има многу случаи кога пациентот за време на третманот е негативен еден ден, а позитивен друг“. Бројот на пациенти за кои се веруваше дека биле излечени од коронавирусот, но подоцна се тестирани позитивни, се зголеми од 51 (6ти Април) на 91 во петок (10ти Април 2020). Набргу после тоа, СЗО објави дека ќе го разгледа и овој тренд на COVID-19 и во Јужна Кореја.
„Ние тесно соработуваме со нашите клинички експерти и работиме напорно за да добиеме повеќе информации за тие индивидуални случаи. Важно е да се осигураме дека примероците се земаат правилно“, изјави портпаролот на СЗО за Ројтерс.
Според СЗО, сегашните студии покажуваат дека кај пациентите со блага форма на COVID-19 поминува период од околу две недели помеѓу појавата на симптомите и клиничкото закрепнување. Но, останува нејасно зошто овие пациенти се тестираат позитивно откако се верувало дека закрепнале од СОВИД-19.
„Бидејќи COVID-19 е нова болест, потребни ни се повеќе епидемиолошки податоци за да извлечеме какви било заклучоци“, се додава во соопштението.
Повеќе од 390,000 луѓе ширум светот се опоравиле од коронавирусот, според податоците собрани од Џон Хопкинс.
Експертите за заразни болести, вклучително и д-р Ентони Фаучи, директор на Националниот институт за алергиски и заразни болести, веруваат дека „луѓето кои се опоравуваат од COVID-19 се навистина заштитени од повторна инфекција“.
Луѓето кои биле заразени развиваат антитела кои можат „веројатно да се борат со коронавирусот ако повторно се сретнат со него“, што ги прави привремено имуни на коронавирусот, тврди Морган Мекфал-Јонсен од Бизнис Инсајдер. Сепак, не е јасно колку трае заштитата. Неодамна, д-р Ентони Фаучи рече дека луѓето кои се опоравуваат од коронавирусот, најверојатно, ќе бидат имуни доколку се појави втор бран на инфекција и се рашири во рана есен. Но, прелиминарните студии за имунитет на коронавирус покажуваат дека не сите опоравени пациенти развиваат антитела потребни за да се заштитиме од вирусот.
