odrzhuvanje-na-intimnoto-zdravje-kluchno-za-sozdavanje-na-potomstvo-no-za-kvaliteten-seksualen-zhivot_image
Споделете со пријателите!

Корисни здравствени совети за прва помош при вагинални инфекции!

Вагиналните инфекции се составен дел од животот на најголем дел од жените. Имајќи ја во предвид важноста на вагината во процесот на создавање потомство но и за имањето на квалитетен сексуален живот особено е важно правилно да се одржува женското интимно здравје.

„Млечно-киселински бактерии се од особено значење кај вагиналните инфекции“

Нормалната вагинална микрoфлора се карактеризира со: доминиција на млечнокиселински бактерии, високи концентрации на млечна киселина и кисела pH =3.5-4.5, што е добра заштита против инфекции. Ако киселоста на вагината се промени и се намали бројот на добрите микроорганизми, се создаваат поволни услови за појава на вагинални инфекции: пред се кандидијаза, трихомонијаза и бактериски вагинитис.

Заради сето ова, кај жените е особено важно да се одржуваат концентрациите на млечно-киселински бактерии и млечна киселина а со тоа и кисела pH во вагината.

Кои се главните ризик фактори за појава на вагинални инфекции?

  • Намален имунитет;
  • Нередовна исхрана;
  • Исхрана богата со шеќери и консумација на кисела храна;
  • Внесување на големи количини алкохол, кои во процесот на варењето се претвораат во шеќер;
  • Често користење на базени и спа центри, престој во ладна вода и долго носење на мокра облека;
  • Носење на синтетичка и премногу тесна облека која не му дава на телото да дише;
  • Брз начин на живот, стрес и недоволна количина сон;
  • Лошa интимна хигиена и употреба на тампони;
  • Незаштитени полови односи;
  • Бремените жени и жените со дијабетес се полесно подложни на вагинални инфекции;
  • Подолготрајната употреба на антибиотици и хормонски препарати скоро секогаш како последица има некоја вагинална инфекција (кандидијаза).

Кои симптоми се карактеристични за вагинални инфекции?

  • Зголемена вагинална секреција (Урдесто-бел секрет е карактеристичен за габична инфекција со Candida Albicans);
  • Променета или непријатна миризба (мирис на квасец е карактеристичен за габична инфекција со Candida Albicans);
  • Печење, црвенило и чешање на надворешните гениталии;
  • Често мокрење,
  • Болни и непријатни сексуални односи;

Овие симптоми почесто се изразени во период пред менструација поради тоа што настанува промена на киселоста на вагиналниот секрет во тој период.

Прочитајте:  Како да си помогнеме во случај на хиперацидитет?

Корисни здравствени совети за прва помош при вагинални инфекции:

  • Направете промена во исхраната, односно исклучете ги јаглехидратите.
  • Не користете тампони или парфимирани продукти во вагината. Наместо тоа одржувајте ја интимната нега со pH неутрални средства.
  • Не седете долго време во влажни костими за капење или влажна облека;
  • Користете широка долна облека главно направена од памук;
  • Зголемете го внесот на течности, а пред се чаеви, како што се чајот од рузмарин, чајот од мајчина душица, масло од чајно дрво (со силни антифунгални својства) итн.
  • Уринирајте фреквентно, и секогаш после сексуален однос.
  • Засилете го вашиот имунитет – зголемете го внесот на витамин Ц на минимум 200мг дневно. Корисно е да се внесат додатоци на храна богати со пробиотици, бетаглукани и цинк (10мг/дневно).

Употребувајте вагинални пробиотици како што е Lactobacillus acidophillus. Lactobacilus acidophilus ја обновува вагиналната микрофлора, ја инхибира колонизацијата на патогени, го намалува pH на микрооколината и на сите овие начини помага во искоренување на вагиналните инфекции.

„Немањето соодветен третман, може да доведе до посериозни инфекции кои може да влијаат на фертилноста.“

Корисни се и вагинални препарати на база на млечна киселина и изофлавони. Млечната киселина ја враќа природната кисела pH на вагиналната слузница, ги инхибира патогените соеви, и го чува интегритетот на цервиксот со што ги намалува инфекциите на горниот генитален тракт. Изофлавоните (особено се корисни при менопауза) го зголемуваат нивото на гликогенот и на тој начин: го унапредуваат трофизмот на слузницата, ги намалуваат симптомите на атрофија (сврбеж, болка, еритем) и ја обновуваат pH вредноста на вагиналната содржина.

Доколку за период од 14 дена, целосно не исчезнат симптомите, тогаш задолжително да се јавете кај вашиот гинеколог. Немањето соодветен третман, може да доведе до посериозни инфекции кои може да влијаат на фертилноста, поради што е важно веднаш да се започне со терапија. 


Споделете со пријателите!