Споделете со пријателите!
Денес во хотел „Порта“, Скопје од 17 часот ќе се одржи едукативната работилница за трудници
Денес, (среда, 01.02.2017 година) од 17 часот, во хотел „Порта“ Скопје, ќе се одржи едукативната работилница за трудници, организирана од „Лулка“ – Здружение за грижа и едукација на бремени жени, мајки и деца – Скопје. На темите бременост и породување ќе им се пристапи од повеќе аспекти и тоа:
- Гинеколошки;
- Психолошки;
- Педијатриски.
На оваа работилница, посетителите ќе се стекнат со знаења и насоки за следните прашања и теми и ќе можат да постават прашања дилеми и размислувања коишто ги интересираат:
- Сè што треба да знаете за прегледите, скрининг, амниоцентеза, брисеви, ПАП, почеток и тек на породувањето;
- Родителство, адаптација во послепородилниот период, стравови, очекувања, соништа, семејни, партнерски и родителски односи, сексот и бременоста, психофизички развој на бебето, ризик фактори за постпородилни психолошки состојби;
- Што се случува со бебето после породувањето, што треба за знаете за него и грижата за него.
На работилницата свои предавања ќе одржат: д-р Вероника Кокоромановска, гинеколог-акушер, Ивана Станковска, лиценциран психолог и д-р Денис Ал Кхалили, специјалист по педијатрија. Котизација за учество на работилницата изнесува 300 денари по лице. Пријавувањето е задолжително на овој формулар. При пријавувањето е важно да нагласите дали доаѓате сами или со партнерот, заради резервација на местата.
Одржувањето на работилницата и целокупните активности на организацијата „Лулка“ се поддржани од нивните партнери: Winner Life, Philips AVENT и PharmaS.
Споделете со пријателите!
