Респираторни последици од загаденоста на воздухот

Секој човек просечно вдишува по 6,6 литри воздух секоја минута, но колку од таа вдишана количина е квалитетен воздух потребен за здрав живот?

Чистиот и квалитетен воздух е неопходен услов за (здрав) живот. Воздухот во работните простории треба често да се проветрува, бидејќи загушливиот воздух може да ги забави вашите ментални функции. Но, што правиме кога и надвор е загушено и не се дише? Д-р Денис Оунби – Dennis Ownby, директор на алергиската имунологија од Медицинскиот Колеџ во Џорџија, објаснува дека тешко е да се одделат негативните ефекти од разноличните загадувачи, бидејќи сите ги оштетуваат белите дробови, ги убиваат заштитните клетки и може да предизвикаат кардиоваскуларни болести и срцев удар.

Но, особено озонот, микро честичките и сулфур диоксидот „ги воспалуваат белите дробови“ што прави да функционираат потешко. Тоа може да доведе до срцев удар, вели д-р Оунби. Сулфур диоксидот и озонот реагираат хемиски на површините во белите дробови, што предизвикува воспаленија кои доведуваат до постојано лачење на секрет, кашлање и сериозни проблеми со дишењето. Во загадениот воздух исто така има и многу алергени коишто може да доведат до појава на хроничен синузит.

Д-р Мајкл Џерет – Michael Jerrett, вонреден професор за здравјето на животната средина од Универзитетот „Беркли“, објави во една неодамнешна студија дека долготрајната изложеност на отрови во воздухот, го зголемува ризикот од смрт поради респираторни проблеми за 30% повеќе. Малите честички долготрајно остануваат во белите дробови и потоа се пренесувани низ целото тело низ белите крвни клетки, а поради долготрајната изложеност на загадување, кај белите дробови се намалува способноста успешно да се борат со страните тела. Д-р Чери Вонгтракул – Cherry Wongtrakool, специјалист од Универзитетот „Емори“, вели дека луѓето со белодробни проблеми како астма или хронична опструктивна белодробна болест се најзагрозени.

Меѓутоа експертите се согласни дека загаденоста на воздухот ги оштетува и белите дробови кај здравите луѓе.

Најчести видови на загадување

Озон – примарната компонента на смогот и создадена е со помош на хемиска реакција што се јавува кога сончевата светлина се поврзува со честичките (саѓите) од издувните гасови на моторните возила, пареата од горивата, но и прашинките од термоелектраните.

Микро честичките – т.е. загадувањето со микро честички претставува комплексна мешавина на мали честички и течни капки. Најчесто вклучува нитрати, сулфати, органски хемикалии, метали, како и честички од почвата и прашина.

Азот диоксид – _NO2 е еден од групата на високо реактивни гасови. NO₂ се формира брзо од емисиите на автомобилите, камионите, автобусите, електричните централи. Според Агенцијата за заштита на животната средина (EPA) оваа состојка реагира со амонијакот, влагата и други состојки, со што формира честички. Овие мали честички пенетрираат длабоко во нежните делови од белите дробови и може да предизвикаат или влошат респираторни болести. Потенцијални болести се емфизем и бронхитис. Овој вид на загадување може да ја влоши и постоечката болест на срцето кај некои лица.

Јаглерод моноксидот – СО е компонента од издувните гасови на моторните возила. Тоа е гас без мирис и боја формиран кога јаглеродот од горивата не е целосно согорен. Повисоките нивоа на СО се појавуваат во области со тежок сообраќаен метеж. Друг извор на овој токсичен гас се индустриските емисии на гасови од индустриските оџаци.
[interaction id=”584159df0bbdb229119f44ec”]

Сулфур диоксид гасовите се формираат кога горивата што содржат сулфур, како што се нафтата и јагленот кога согоруваат, но и кога металите се вадат од руда. Сулфур диоксидот стапува во реакција со други загадувачи што може да биде опасно и штетно.

Оловото е најчесто наоѓано во близина на отпадните печки, комунални отпади и производители на батерии. Емисиите на олово од бензинот се намалија за 95% откако ЕРА почна да ги регулира стандардите за чист воздух.