nov-programiracki-komplet-igracki-od-lego_image
Споделете со пријателите!

LEGO Boost 17101 е дел од линијата програмибилни играчки LEGO Mindstorms којашто за првпат се произвела во 1998 година
Реномираната данска компанија за коцки од пластика, „Лего“, е истакната компанија која секојдневно вложува во креацијата на новитети за децата од сите возрасти со кои цели кон нивен подобар едукативен развој. „Лего“ несомнено вложува во своите нови креации на коцки и во секоја од нив вообичаено воведува иновативност и креативност коишто би го помогнале развојот на децата

„Иновација којашто е спој од едноставноста на стандардните лего-коцки и комплексноста на техничките лего-коцки“

Минатата недела на саемот за технологија CES 2017  во Лас Вегас, САД, компанијата ја претстави својата нова креација – едукативниот пакет LEGO Boost 17101. Станува збор за интерактивен комплет за деца на возраст од 10 до 13 години, што преку игра ќе им помогне на децата да научат да програмираат роботи и да управуваат со нив. LEGO Boost 17101 е иновативна креација којашто е спој од едноставноста на стандардните лего-коцки и комплексноста на техничките лего-коцки.

Комплетот е сочинет од вкупно 843 парчиња, од кои децата може да конструираат 5 различни модели на играчки со сензори, вклучувајќи робот, мачка и гитара со кои потоа ќе можат да управуваат.

Имено, последната фаза од конструкцијата ја навестува забавната фаза, односно машинско програмирање на креираните играчки и управувањето со нив. LEGO Boost 17101 е дел од линијата програмирачки играчки LEGO Mindstorms којашто за првпат се произвела во 1998 година.

Минатата година „Лего“ го креираше програмирачкиот едукативен комплет WeDo 2.0 обмислен да им помогне на децата на училишна возраст да ги научат воведните концепти на технологијата и науката. LEGO Boost 17101 е нов програмирачки комплет којшто повеќе се фокусира на програмирањето, отколку на едукацијата. Комплетот играчки дополнително вклучува:

  • ЛЕГО центар за движење (LEGO Move Hub) поседува Bluetooth конекција со ниска потрошувачка на енергија, два мотори, копче за активација, внатрешен сензор и светло;
  • Интерактивен мотор (Interactive Motor) – шифриран мотор;
  • Сензор за боја и растојание (Color & Distance Sensor) – за автоматско препознавање на растојанието, движењето и боја а исто така може да функционира и како светло.
Прочитајте:  Синтетичките канабиноиди го редуцираат остеоартритисот

Комплетот играчки LEGO Boost 17101 се очекува да биде пуштен во продажба во август оваа година по цена од 159,99 американски долари.


Споделете со пријателите!