Развојот на вашето бебе со првите бебешки чекори
Малиот чекор на бебето е секогаш најголема радост за родителите. Со тоа мало чекорче успешно се премостува фазата кога вашето големо бебе веќе станува мало човече. Тогаш се буди и вашата имагинација и веќе си замислувате како неуморно ќе спортувате и ќе трчате заедно!
Бебето со самото свое раѓање започнува да го минува својот уникатен пат на развој, различен од оној на останатите бебиња. Не постои строго определен месец кога вашето малечко треба да ги направи првите чекори, но постојат знаци кои ќе ви укажат на фактот кога тоа ќе подготвено за нив. Првата година од животот е период на негов најинтензивен моторен развој и нормално се одвива по свои одредени природни законитости. Мускулите кои му се потребни на бебето за да ги направи првите чекори се развиваат одгоре надолу. Секој пат кога тоа ќе помине низ одредена развојна фаза, неговото тело станува се посилно и поподготвено за негово проодување. Откако ке ги направи првите чекори, многу е важно постојано да се охрабрува што е можно повеќе време да поминува на нозе, за да може дополнително да ја зајакне својата мускулатура, како полесно би можело да се одржи самостојно на свои нозе. Во оваа развојна фаза, особено е важно да не престанете да го поттикувате вашето детенце да чекори, затоа што бебињата во оваа возраст се преполни со енергија и сакаат таа енергија да ја тестираат на своја кожа. Со ваша помош, детенцето ќе може полесно да се справи со својата координација и рамнотежа, а исто така и полесно ќе може и да го балансира своето тело.
Од седмиот месец веќе детето почнува да станува позаинтересирано за надворешниот свет, станува поспособно да ја искаже сопствената волја преку насмевка или повик, а тука е и поголемата желба и за движење.
За нашите неуморни гимнастичари, ова правило е она до кое треба да се придржувамe:
Поттикнување – Почит – Подготвеност
Поттикнување
Дури и кога коските, мускулите и зглобовите се доволно зрели, детенцето е она кое ќе се одлучи кога ќе бидат првите чекори. Тоа понекогаш знае да се случи како последица на подигнување од повеќемесечното лазење, а пак некои бебиња знаат и да ја прескокнат оваа фаза на лазење, па од седечка положба, веднаш да преминат на одење. На вас е успешно да создадете поттикнувачка атмосфера за детенцето, во којашто тоа ќе почувствува сигурност доволно голема за да се впушти во акција и да ја покаже својата вештина на одење.
Почитувајте го темпото
Родителите не се секогаш свесни дека е потребно време за целиот тој процес да се случи и понекогаш навистина забораваат дека детенцето само си го одредува своето темпо на проодување. Сите родители ќе се согласат со ова, затоа што сакаат нивните бебиња да проодат што е можно побрзо, но за жал, тоа не се случува секогаш кога тие сметаат дека е дојдено времето за тоа. Овој притисок најчесто доаѓа од околината во која се случува врсниците на вашето бебе одамна да имаат проодено, но треба да знаете дека моментот кога вашето бебе ќе прооди не е никаков знак за детската интелигенција ниту пак се става во прашање вашата способност како добри родители.
Запомнете, детенцето ќе прооди кога ќе биде подготвено за тоа! Најчесто ги прави првите чекори околу 12-от односно 14-от месец од својот живот. Не грижете се, исто така е нормално и многу веројатно вашето бебе да прооди и на 9 или дури и на 18 месеци!
Подготвеност
Стимулирањето е секако добродојдено. Во тоа лежи клучот, но иницијативата е оставена на самото дете. Помеѓу 8 и 10 месец бебињата се толку желни за нови сознанија и вештини што ги прави способни да може да се придржуваат за мебелот кој им служи за подигнување во исправена положба. Тогаш не треба вие да го терате детенцето да оди без придржување, бидејќи ‘цврстиот придржувач’ е нормалниот дел од оваа фаза. На пример, ставете ја омилената играчка на детенцето на столицата која е еден метар одалечена од него или викнете го накај себе и при тоа изведувајте интересни звуци. Во оваа фаза особено обрнете внимание на сигурноста на вашето детенце. Бидете блиску до детенцето и тргнете ги тешките работи од столицата, масата или завесите низ кои тоа би можело да наиде на отпор и да се сопне. Вашето бебе полека но сигурно ќе почне да ги превзема првите пробни чекори и самоиницијативно ќе се стимулира за својата прогресија.
Бидете трпеливи бидејќи сепак тоа е една комбинација од повеќемесечни обиди и грешки, а исто така тоа е и доказ дека бебето конечно ги усвоило најкомпликуваните движења кои човечкото тело е способно да ги изведе – исправениот од.
Мали но ситни чекори до голем успех – чекор по чекор.
