neuredna-detska-soba_image
Споделете со пријателите!

Како да му помогнете на вашите деца да ја одржуваат уредна својата соба
Вообичаено е децата од сите возрасти да имаат неуредни соби. Некои деца повеќе некои помалку, но сакаат да бидат уредни, и неспорно е дека им треба помош со организација. Да се биде јасен и специфичен за она што го очекувате за изгледот на собата го олеснува реализирањето на уредувањето. Некои деца можеби сакаат да имаат неуредна спална соба „Знам каде е сè!“.

За другите, тоа е фаза во која детето покажува независност или тинејџер преполн со нова одговорност.

И, нормално има деца кои имаат проблеми со организирање и им треба поголема помош. Без оглед на причината, секако дека можете да направите работи за да го охрабрите вашето дете да ја исчисти неуредната спална соба.

Еве како да го спроведеме тоа

Бидете специфични за тоа што е „неуредна просторија“, само велејќи: „Собата ти е хаос“ нема да води до резултати.

На некои деца им требаат многу специфични упатства. Кога просторијата на вашето дете е чиста, прошетајте низ неа и посочете што е тоа чисто: „Нема играчки на подот затоа што се прибрани во кутијата. Креветот е направен. Вашата облека виси на закачалка или во плакарот, а не да се фрла на подот. Убава работа сте направиле“. Можете дури и да сликате во просторијата кога е уредно за вашето дете да може да се повика на тоа.

Бидете јасни за тоа што значи неред

Понекогаш и можеби ќе дозволите да се провлече и мал неред. Но, важно е да го известите вашето дете да знае што нема да прифатите, објаснете зошто е проблем.

  • „Ако не ги собереш коцките, може да ги згазиш и ќе си ги повредиш нозете“;
  • „Кога облеката е расфрлана на кревет, таа се гужва и изгледа лошо“;
  • „Ако не ги фрлиш омотите од храна, тие можат да привлечат мравки“.
Прочитајте:  Потребните проверки на здравјето кај вашите најмили - децата

Бидете внимателни, сепак, да не се замарате или повторувате одново и одново, што може да предизвика одбивност и инает. Ослободете се од несакани и застарени работи. Еден од најдобрите начини да им помогнете на децата да ја задржат својата просторија уредно е да се ослободите од работите кои не се користат.

Еднаш годишно, поминете низ плакарот заедно за да се ослободите од облеката и чевлите што вашето дете ги израснало. Можете исто така да се ослободите од старите играчки, училишните листови и тетратки и од сè друго кое вашето дете веќе не го користи.

Имајте место за сè

Децата може да се имаат проблем со чистење на нивната соба, ако не е јасно каде треба да одат работите. Осигурете се дека има место за сè што користат и дека има и им е лесно да ги вратат работите. Ова се однесува на облека, играчки, книги, спортска опрема, музички инструменти, уметнички материјали и се што користат често.

Покажете му на вашето дете како да ги одржува домашните задачи организирани во различни папки за секој предмет. Бидете пример за уредност.

Ако очекувате децата да ја одржуваат својата просторија чиста, фер е да ја одржувате и вашата спална соба чиста. Барајќи од децата да местат кревет кога не сте го направиле вашиот, нема да има ефект. Вашата соба не треба да изгледа совршено, туку обидете се да ја одржувате според истите стандарди што ги очекувате од вашето дете.

Пофалете ги напорите. Дури и ако децата не ги чистат своите простории совршено, добро е да ги пофалите за трудот.

 „Подот сега е многу почист – благодарам што ги собра играчките“. Просторијата на вашето дете никогаш нема да е совршено уредна. Но, објаснувајќи зошто е пријатна уредноста и го поддржувате вашето дете, тогаш знаете дека влијаете долгорочно на уредноста.


Споделете со пријателите!