dali-e-vazhno-vo-koe-vreme-od-denot-jadete_image
Споделете со пријателите!

Вашиот биолошки часовник ќе ви каже како.
Појадокот освен што го снабдува телото со енергетски и хранливи состојки, тој и помага во одржување на оптималната тежина. Прескокнувајќи го појадокот, вие го забавувате вашиот метаболизам и го оставате вашето тело без извор на енергија во моментите кога треба да бидете најактивни и кога енергијата ви е најпотребна.

Потребна ви е полна нутритивна вредност за добар почеток на денот. Престанете да јадете доцна навечер или пред спиење доколку сакате да изгубите килограми. Оваа навика влијае на механизмот на согорување на маснотиите во телото.

Ако ги следите правилно здравите навики што вклучуваат правилна исхрана во вистинско време, нема да добиете вишок килограми. На пример, го прескокнавте појадокот, имавте нездрав ручек, а потоа не успеавте да вечерате. Кога ќе стигнете до вашиот кревет, веднаш почнувате да чувствувате глад. Ова е затоа што не сте ги исполниле хранливите побарувачки на организмот. Јадењето непосредно пред спиење е нездрава практика која мора да ја запрете ако не сакате вашите килограми да се удвојат.

Доручекот и избегнувањето на грицки доцна во ноќта е најдобар начин за согорување на маснотиите и намалување на телесната тежина, покажуваат новите истражувања.

Многумина од оние кои се обидуваат да го изгубат вишокот килограми, се свртеа кон секојдневното гладување(fasting), како наједноставен начин за намалување на килограмите. Овој тип на исхрана вклучува гладување во одреден период во денот, а потоа консумирање на сите калории во преостанатите часови. На пример, да не се консумира ништо во период од 16 часа на ден и да се јаде само во преостанатите 8 часа, познато како гладување 16:8. Во текот на 16-часовното гладување може да се пие само течности, како што се вода, незасладени чаеви или кафе без млеко. Овој план за јадење може да помогне во поддршката на губење на тежината, подобрување на шеќерот во крвта, функцијата на мозокот и продолжување на долговечноста.

Но, дали е важно во кое време од денот јадете?

„Следете го вашиот биолошки часовник.“

Не само бројот на калории може да влијае врз намалувањето на телесната тежина, туку и кога лицето овие калории ги троши. Постојат некои докази дека биолошкиот часовник или циркадијалниот ритам влијаат на метаболизмот на една личност. Нарушените навики во исхраната се една од најголемите причини за дебелината што укажува на тоа дека времето кога се консумира храна има значаен ефект врз организмот. Наодите се однесуваат на биолошкиот часовник, кој научниците го нарекуваат циркадијален ритам. Внатрешниот часовник на телото успешно модулира стотици процеси, почнувајќи од спиење, јадење па се до телесна температура и ниво на хормони. Истражувањата поврзани со нарушен циркадијален ритам имаат неповолни здравствени ефекти, вклучително и зголемена телесна тежина. Овие здравствени ефекти може да бидат резултат на нарушени навики во исхраната, што сугерира дека времето на потрошувачката на храна ги посредува ефектите врз организмот.

„Не се работи само за тоа колку јадете, туку и кога јадете“, објаснуваат Проф. Карл Џонсон, автор на студијата и Корнелиус Вандербилт професор по биолошки науки.

Следење на метаболизмот

„Неконсумирањето на храна од вечера до појадок е подобар начин за слабеење отколку прескокнувањето на појадокот!“

За да ја тестираат оваа хипотеза, истражувачите го набљудувале метаболизмот на шест лица кои јаделе оброци во различни периоди во текот на денот. Учесниците биле на возраст од 50 години или повеќе, со што припаѓаат на група која може да биде изложена на ризик од метаболички нарушувања. Секој јадел по три оброка дневно во текот на две одделни 56-часовни сесии, истите со истиот период на гладување во текот на ноќта. Првата група учесници јаделе појадок, ручек и вечера. Во другата група, учесниците го прескокнувале појадокот, но добивале дополнителен оброк како ужина доцна навечер. Појадокот (во 8:00 часот наутро) и доцната вечерна ужина (во 10:00 часот навечер) имале подеднакво 700 калории и беа нутриционистички потполно еднакви. Количината на физичка активност што ја правеле учесниците исто така била иста и во двете групи.

Истражувачите го набудувале метаболизмот на учесниците користејќи го човечкиот метаболизам, им било направено континуирано мерење на метаболичката стапка.

Прескокнување појадок наспроти вечера

„Доцна вечерна ужинка ја одложува способноста на организмот да разградува маснотии, а со текот на времето ова навика доведува до значителна акумулација на маснотии.“

Истражувачите откриле дека, и покрај постојаното внесување на калории и нивото на активност, времето на внес на храна имало значително влијание врз тоа колку маснотии согорувале учесниците. Кога учесниците јаделе ужинка доцна во ноќта, тие согорувале помалку маснотии отколку оние кои консумирале ист број калории за појадок. Со други зборови, доцната вечерна ужинка ја одложила способноста на организмот да разградува маснотии, и наместо тоа се разложувале јаглехидратите. Со текот на времето, ова навика може да доведе до значителна акумулација на маснотии. Во просек, учесниците кои јаделе појадок, согорувале 15 грама повеќе масти во текот на 24 часа од оние кои јаделе доцна ужинка. „Ова потврдува дека времето на оброците во текот на денот и ноќта влијае на тоа како се користи внесената храна и дека секоја храна внесена пред спиење ќе го одложи согорувањето на маснотиите за време на спиењето“. Наодот дека деноноќниот ритам на телото го регулира согорувањето на мастите може да има важни импликации врз навиките на јадење, што укажува на тоа дека неконсумирањето на храна од вечера до појадок е подобар начин за слабеење отколку прескокнувањето на појадокот.

Прочитајте:  Објаснување за модринките кои не можете да ги објасните

Студијата има важни импликации врз навиките во исхраната, дава докази спротивно на неодамнешниот тренд на прескокнување на појадокот и предлага, наместо тоа, избегнување на консумирање на храна од вечера до појадок, за да се оптимизира управувањето со тежината.


Споделете со пријателите!