Злоупотребата на лекови може да означува не само предозирање, туку и земање дози помали од препишаните упатства, погрешен распоред или прескокнување на дозите
Според научната студија објавена од страна на Quest Diagnostics – најголемиот национален провајдер за клинички лабораториски испитувања, повеќе од половина од возрасните и 44% од децата во САД, кои биле тестирани за дроги од страна на национална клиничка лабораторија изминатата година, ги злоупотребувале своите препишани лекарства. Резултатите од тестирањето покажале дека испитаниците користеле и други лекови што не биле препишани, вклучувајќи и тешки опојни и други синтетички нелегални дроги. „Постојат ситуации кога пациентите го ставаат својот живот во опасност“ – истакна д-р Лиланд Мек Клур (Leland McClure), директор на Quest.
Експертите сметаат дека стапката на злоупотреба, идентификувана од страна на студијата може да биде многу повисока, доколку ова истражување би било спроведено врз целата популација во САД. Како што вели студијата, некои пациенти биле тестирани бидејќи нивните матични лекари сметале дека кај нив постои голема веројатност од злоупотреба на лекови. Студијата исто така идентификуваше кои лекови се најчесто злоупотребувани од страна на пациентите во зависност од нивната возраст.
Амфетамините биле најзлоупотребувани од страна на младите на возраст од 17 години и помлади, додека бензодијазепините (дијазепам) и лековите против анксиозност биле најзлоупотребувани од страна на возрасните на возраст од 25 години и постари.
Други најзлоупотребувани лекови се опијатите против болки.
За прв пат, најновата анализа исто така вклучи 155,646 тест резултати за хероин, што покажа дека скоро една третина од пациентите земаат бензодијазепини. Овие психоактивни лекови, кои злоупотребени претставуваат опасни наркотици, можат да предизвикаат респираторни проблеми и други здравствени проблеми, а нивната злоупотреба во краен случај може да биде смртоносна. „Кога се земаат во комбинација, пациентите може да престанат да дишат, да имаат срцев удар и да умрат. Овие комбинации се во пораст“ – заклучува Д-р Мек Клур.
