Ненадејно и необјаснето губење на тежината може да биде знак за скриена здравствена состојба или болест.
Медицинските експерти се согласуваат дека е потребна лекарска консултација или преглед доколку забележите дека ненадејно и непланирано сте изгубиле повеќе од 5 отсто од вашата тежина во период од шест месеци до една година, особено ако сте постара возрасна личност. На пример, губење на тежина од 5 отсто кај некој кој има 72 килограми е 3,6 килограми, а кај некој кој имал 90 килограми тоа е 4,5 килограми.
Нашата тежина е под влијание на внесот на калории, нивото на активност, целокупното здравје, возраста, апсорпцијата на хранливи материи и економските и социјалните фактори. Оттука, кога станува збор ненадејно губење на тежината, постојат многу причини коишто можат, но и не мора да бидат поврзани. Често комбинацијата од различни фактори може да резултира со општ пад на имунитетот и губење на тежината.
Здравствени состојби што се поврзуваат со губење на тежината
Сепак, понекогаш, причината за ненадејно губење на тежината може да биде резултат и на некоја здравствена болест или состојба. Потенцијалните причини за необјаснето губење на тежината може да вклучат:
- Адисонова болест (надбубрежна инсуфициенција);
- Рак;
- Целијачна болест;
- Промени во исхраната или апетитот;
- ХОПБ (хронична опструктивна пулмонална болест);
- Кронова болест;
- Деменција;
- Проблеми со забите;
- Депресија;
- Дијабетес;
- Срцева слабост;
- Хиперкалцемија;
- Хипертироидизам (хиперактивна тироидна жлезда);
- Хипотироидизам (недоволна тироидна жлезда);
- Некои лекови;
- Паркинсонова болест;
- Пептичен улкус;
- Злоуботреба на алкохол и наркотични супстанци;
- Туберкулоза;
- Улцеративен колитис (вид на воспалителна болест на цревата).
Кога да се консултирате со лекар
Ако забележувате дека ненадејно ви се намалува телесната тежина без да се обидувате да слабеете и ако сте загрижени за тоа, консултирајте се со вашиот лекар бидејќи постои можност да се соочувате со некаков проблем за којшто не сте свесни. Вашиот лекар ќе ви помогне да утврдите што предизвикува губење на тежината. Тоа на почетокот може да вклучи физички преглед и основно лабораториско тестирање. Понекогаш, ако основната евалуација е негативна, будното следење на тежината во наредниот период (од еден до шест месеци) е разумен следен чекор.
