shto-treba-da-znaete-za-rakot-na-dojka-vo-tinejdjerskite-godini_image
Споделете со пријателите!

Често младите девојки може да се загрижат дека промените на нивните гради што се случуваат за време на пубертетот се должат на рак на дојка.
Кај околу 12 отсто од жените се појавува рак на дојка во текот на нивниот живот. Сепак, најзначајниот фактор за ризик за рак на дојка е постарата возраст. Генетските и клеточните промени со текот на времето може да ја зголемат веројатноста за појава на необичен раст на клетките во градите. Оттука, помладите жени се соочуваат со многу помал ризик за заболување од рак на дојка. Младите жени кај кои се појавува рак на дојка почесто имаат агресивни тумори што брзо растат. Кај нив, исто така, ракот може да биде негативен за хормонските рецептори кои ги зголемуваат шансите за преживување.

Кога станува збор за заболување од рак на дојка кај девојките на возраст помеѓу 13 и 19 години може да се каже дека ризикот е многу мал. Сепак, младите девојки често може да се загрижат дека промените на нивните гради што се случуваат за време на пубертетот се должат на рак на дојка. Од оваа причина тие треба постојано да ги следат и проверуваат своите гради за да забележат доколку има промени што им создаваат грижа и да разговараат со својот лекар.

Факти за рак на дојка кај девојки во тинејџерските години:

  • Практично е нечуено за појава на рак на дојка во оваа возрасна група;
  • Болеста не може да се дијагностицира само на база на симптоми;
  • Бидејќи ракот на дојка е редок во тинејџерските години, не постојат веродостојни статистички податоци за стапките на преживување.

„Развојот на градите е ново и непознато искуство кое може да биде вознемирувачко.“

Промените што ги носи пубертетот може да бидат чудни и понекогаш застрашувачки за секој млад човек. Кај младите девојки се развиваат гради за прв пат и може да бидат неприродни за нивниот изглед и да создадат непријатно чувство. Раниот развој на градите често започнува како грутка под брадавицата и може исто така да предизвика болка која може да предизвика страв кај девојките дека нешто не е во ред. Поради ова родителите и лекарите треба да зборуваат за пубертетските промени во кои спаѓа и развојот на градите, бидејќи тие се ново и непознато искуство кое може да биде вознемирувачко.

Иако ретко, сепак е можно кај девојките во тинејџерските години да се развие рак на дојка. Ракот на дојката, како и кај сите видови на рак, се јавува кога нормалните клетки почнуваат да растат и да се делат неконтролирано. Со текот на времето, овој раст може да формира тумор кој му штети на здравото ткиво и може да се прошири и на други делови од телото.

Прочитајте:  Што претставува хипоалбуминемија?

Колку е чест ракот на дојка кај девојките на тинејџерска возраст?

Помалку од 5 отсто жени под 40 години може да заболат од рак на дојка. На 30-годишна возраст, ризикот од развој на рак на дојка е 0,44 отсто. Постојат помалку од 25 случаи за заболување од рак на дојка годишно кај жените во секоја возрасна група под 30 години. Меѓу младите девојки на возраст од 13 до 19 години, пак, бројката е близу до нула. Овие статистики значат дека проблемите со градите во тинејџерските години најчесто се должат на други причини помеѓу кои може да се вклучат:

Фиброaденом

Фиброaденомoт е бениген тумор на дојка. Честа појава е кај жените на возраст помеѓу 20 и 30 години. Важно е да се напомене дека овие грутки не се претвораат во рак. Тие вообичаено се мали со големина од неколку сантиметри.

Филоиден тумор

Филоидните тумори се бенигни тумори кои растат брзо. Тие се многу ретки, но во 10 отсто од случаите можат да се прошират и на други делови од телото.

Цисти на дојка

Цистите се мали израстоци во ткивото на дојката, слични на мозолчиња под кожата. Некои жени имаат фиброцистички гради што значи дека нивните гради содржат многу цисти и може да ги чувствуваат градите груби на допир. Многу жени во некој период од својот живот може да се соочат со фиброцистични гради.

Што треба да знаете за ракот на дојка?

Годишен преглед е многу важен за дијагностицирање на проблеми поврзани со градите. Дури и младите девојки коишто имаат неколку симптоми поврзани со рак на дојка треба да знаат дека тие веројатно се должат на друга причина, но сепак таа е подеднакво важна за соодветно да се  прегледа. Околу 90 отсто од грутките на дојка не се должат на рак. Канцерогените грутки имаат тенденција да бидат груби и неправилни.

Чести симптоми на рак на дојка вклучуваат:

  • Една или повеќе грутки на градите;
  • Отечени лимфни јазли под пазувите или во вратот;
  • Промени во големината, обликот или симетријата на градите;
  • Промени во кожата на градите или брадавиците
  • Исцедок од брадавицата што не се должи на менструација, бременост или доење;
  • Црвени или отечени гради.

Фактори на ризик за појава на рак на дојка може да вклучат:

  • Мутација на гените BRCA1 или BRCA2;
  • Историја на заболување од рак на дојка или јајчник во кругот на семејството;
  • Физичка неактивност и прекумерна тежина;
  • Изложеност на зрачење;
  • Примање естрогенска терапија или апчиња за хормонална контрацепција;
  • Пушење и пиење алкохол.

Споделете со пријателите!