nauchete-kako-da-stavite-sopirachki-na-vasheto-srce-nekolku-ednostavni-tehniki_image
Споделете со пријателите!

Тахикардијата е еден вид црвено светло кое не тера да направиме осврт на животниот стил што го живееме.
Тахикардија е почеста кај жените, но, се јавува и кај мажите. Младите лица исто така може да го почувствуваат нарушениот ритам на срцето предизвикан од вознемиреност или исцрпеност. Иако тахикардијата обично не е сериозна и не значи срцева болест, сепак, може да предизвика сериозни или дури и опасни по живот компликации кај луѓето кои веќе имаат срцеви заболувања. Симптомите варираат, но обично почнуваат и престануваат брзо. Научете како да ставите сопирачки на вашето срце со неколку едноставни техники.

„Тахикардијата е сигнал за осврт на животниот стил што го живееме.“

Чувството е многу непријатно и сите сакаме што побрзо да го запреме. Кога ритамот на срцето се покачува тоа значи УСПОРИ! Тахикардијата е еден вид црвено светло кое не тера да направиме осврт на животниот стил што го живееме.

Постојат едноставни начини со кои можете да го спречите срцебиењето кое се јавило заради стрес за помалку од една минута. Колку брзо ќе одчукува срцето и колку силно ќе се контрахира зависи од симпатикус и парасимпатикус(вагалните нерви). Кога срцето работи забрзано тогаш е доминантна мрежата на симпатикус.(онаа која го стимулира да разботи забрзано). Нашата цел е да ја префрлиме контролата во мешаната парасимпатична мрежа. Со стимулација на вагалниот нерв ние всушност делуваме на срцето исто како што делуваат кочниците на автомобилот. Вагалните маневри го зголемуваат вагалниот тонус кој што има тенденција да ја намали спроводливоста на коморите.

1. Метод со студена вода

Потребна ви е многу студена вода, колку постудена-подобро, па затоа садот со вода надополнете го со повеќе коцки мраз.

Се’ што треба на направите кога пулсот ви е забрзан, е да вдишете длабоко и да го нурнете лицето во студена вода и да останете така колку можете подолго.

Оваа постапка го стимулира вашиот вагус нерв кој делува врз успорувањето на срцевиот ритам. Кога лицето го држите во студена вода телото испраќа сигнал за успорување на метаболизмот познат како рефлекс на нуркачите, кој предизвикува брзо намалување на бројот на срцеви отчукувања. Тоа е истиот рефлекс кој им помага на некои луѓе да преживеат подолг период во студена вода затоа што им се успорува телесниот метаболизам.

Прочитајте:  Чоколадото е добро за вашето срце

2. Многу длабоко дишење

Вдишете многу длабоко, до точка во која повеќе не сте во состојба да внесете ни најмалку воздух. После тоа брзо издишете го воздухот од белите дробови. Повторувајте ја постапката додека е потребно. Не е доволно само длабокото вдишување. Самото длабоко дишење нема да го успори срцето, и затоа е потребно да вдишувате до крајните граници на белите дробови, значително повеќе од едноставно длабоко дишење. Само на тој начин ќе ја успорите работата на срцето.

3. Валсалва маневар

Вдишете со средна јачина. Затворете го носот и дувајте силно во себе без да го испуштите воздухот (исто како кога се напрегате во WC). Задржете го овој притисок колку што можете повеќе. После тоа издишете и опуштете се.

Може да почувствувате лесна вртоглавица, но тоа е нормално. Исто како кога ги одзатнувате ушите за да го урамнотежите притисокот.

Обидете се со секој од овие методи по неколку пати пред да преминете на следната. После некое време самите ќе заклучите која најмногу ви одговара.

Покрај ова внимавајте да не внесувате кофеин, алкохол и никотин.

Погрижете се да внесувате магнезиум.

Бидејќи во мускулните клетки на срцето, магнезиумот помага да се балансираат ефектите на калциумот, што ги стимулира мускулните контракции во самата клетка. Магнезиумот создава ритмичка контракција и релаксација, помагајќи им на ензимите во клетките да го изнесат калциумот надвор од нив и да направат срцето да не е лесно надразливо(иритабилно). Магнезиумот го има во храна како што се соја, ореви, грав и трици.

Погрижете се да го одржувате нормално нивото на калиум.

Калиумот е уште еден минерал кој помага да се забави срцевата акција и да се намали раздразливоста на мускулните влакна. Калиумот се наоѓа во овошјето и зеленчукот, така што снабдување не треба да биде тешко. Но, неговото ниво се намалува ако вашата исхрана содржи голема количина на натриум или ако користите диуретици или премногу лаксативи.

Доколу често имате вакви епизоди на забрзани отчукувања на срцето, кои траат 20 или повеќе минути, чувствувате несвестица, болки или други тегоби, побарајте медицинска помош.


Споделете со пријателите!