5-raboti-shto-ne-treba-da-gi-znaete-za-muskulite_image
Споделете со пријателите!

Студија покажала дека луѓето што внесуваат повеќе калиум, преку храна како што се спанаќ, брокула, диња и банани, имаат поголема мускулна маса од оние што јадат за половина помалку
Мускулите сочинуваат околу 45-50% од телесната маса на човекот. Колку повеќе мускули користите при вежбањето, толку повеќе калории ќе согорите. И покрај тоа што можеби сте слушнале, не е неизбежно вашите мускули да ослабнат со вашето стареење. Постојат едноставни начини како да стигнете пред стрелката  на часовникот и правилно да го одржите вашиот метаболизам. Некои од нив се водење сметка за вашите тренинзи, хранливите материи што ви се потребни за растење на мускулното ткиво.

Меѓудругото, доброто здравје на вашите мускули е многу важно за вашето целокупно здравје.

Во прилог се 5 нешта за мускулите што треба да ги запомните:

Поголема мускулна маса го забрзува метаболизмот

„Кога луѓето ги намалуваат килограмите, нивниот метаболизам често се забрзува“

Кога луѓето ги намалуваат килограмите, нивниот метаболизам често се забрзува. Масните клетки создаваат лептин, хемикалија која му кажува на мозокот дека сме прејадени. Кога нивоата на лептин се намалуваат, што може да се случи за време на држење диета, вашето тело го успорува метаболизмот за да заштеди енергија. Внесувањето на повеќе протеини е, исто така, клучно за мускулнат маса. Додека препорачаната доза во исхраната е 0,8 грама на килограм на телесна тежина дневно, едно истражување покажало дека за да се спречи губењето на мускулната маса додека се губи тежина, дозата треба два пати да се зголеми.

Зеленчукот е важен за мускулите

Знаеме дека треба да јадеме храна богата со протеини за да ги изградиме мускули. Но тоа не е сè што ни е потребно бидејќи постојат и суштински хранливи материи и во останатата храна. Една студија од Шведска открила дека нитратот, природно соединение во овошјето и зеленчукот, им помогнал на луѓето да користат помалку кислород додека вежбаат, правејќи ги мускулите поефикасни. Друга студија во која три години се следеле луѓе на возраст од 65 години и постари покажала дека оние што внесувале повеќе калиум, преку храна како што се спанаќ, брокула, диња и банани, имале поголема мускулна маса од оние што јаделе за половина помалку.

Прочитајте:  Неколку фитнес совети кои ќе ви помогнат да не се откажете од вежбањето

Прекумерно вежбање може да им наштети на мускулите

5-raboti-shto-ne-treba-da-gi-znaete-za-muskulite_image1Добро е да се мотивирате и притискате додека вежбате. Но постои ризик од премногу притискање, тоа е рабдомиолиза – состојба која може да се појави во случај на прекумерно вежбање и да предизвика разложување на мускулните клетки и протекување на протеините во крвотокот. Доколку ова не се забележи порано, може да доведе до оштетување на бубрезите. Слушајте го телото, не се форсирајте и пијте доволно течности за хидратација на организмот.

Воспалението може да биде добро за мускулите

По тренингот често се случува да се биде во искушение да се испие анти-инфламаторно средство за да се спречи болката во мускулите. Но воспалението на мускулите по тренинг може да биде добро за мускулите и да помогне во нивното заздравување. Истражувачи откриле дека по вежбање, про-инфламаторните Т-клетки се инфилтрираат во оштетените мускулни влакна, најверојатно да помогнат во регенерација на ткивата.

„Воспалението е здрав процес во кој вашето тело ги заздравување на мускулите“

Една од теориите е дека ова воспаление е здрав процес кој вашето тело го користи за заздравување на мускулите. Уште повеќе, воспалението и болката после вежбање, всушност, се чини дека не се поврзани. Всушност, луѓето доживеале помалку болка по нивниот втор круг на вежбање, кога воспалението било поголемо. Обидете се да ги олесните болките со мраз или влажна топлина наместо со лекови.

Понекогаш може да се разбудите и се чувствувате парализирани

За време на одредени фази на спиењето, не можеме да ги движиме мускулите. Имено, кога ќе влезете во РЕМ-циклус, два невротрансмитери ги исклучуваат мозочните клетки кои им овозможуваат на вашите мускули да бидат активни. Ако се разбудите во средината на РЕМ-циклус, можеби нема да можете да зборувате или да се движите, а тоа може да биде застрашувачко. Сепак, за среќа, парализата во спиење не е опасна и трае неколку минути.


Споделете со пријателите!