kako-da-prepoznaete-spasite-bebe-koe-ima-strano-telo-vo-dishnite-patishta_image
Споделете со пријателите!

Не им дозволувајте на децата да си играат, трчаат, или лежат додека јадат
Дали знаете дека на секои пет дена умира едно дете од давење со храна? И она што е интересно е дека 80% од родителите не знаеле како да реагираат во оваа ситуација.

Поголем дел од случаите се на возраст од една година и помали. Бомбоните се одговорни за 1 од 4 случаи, а после се коски од месо, овошје и зеленчук како и ситни делови од играчки.

При ваква ситуација најважно е да се остане присебен, да знаете да препознаете дали станува збор за задушување и да знаете да помогнете.

Знаци кои асоцираат дека станува збор за задушување или страно тело.

  1. Сина боја на кожата;kako-da-prepoznaete-i-spasite-bebe-koe-ima-strano-telo-vo-dishnite-patishta_image1
  2. Отежнато дишење, тешко вдишување;
  3. Губење на свест;
  4. Детето не може да плаче или да испушти звуци;
  5. Кашлање – кое може да е подкашлување (во зависност од локација на страното тело);
  6. Пискави тонови при вдишување.

Како да го спасите вашето бебе од гушење

  1. Уверете се дека нема остатоци од храна во устата и со прст поминете во внатрешноста на усната празнина и доколку има извадете го остатокот;
  2. Веднаш легнете го бебето со лицето надолу и ставете го на вашата подлактица (може да сте седнати и да го користите бутот од нога за поддршка);
  3. Држете ги градите на бебето со рака и при тоа држете ја вилицата со вашите прсти;
  4. Бидете сигурни дека главата е на пониско ниво од телото;
  5. Со дланката дадете до 5 брзи удари помеѓу рамената на бебето, ова е варијанта која исто може да се направи;
  6. Доколку станува збор за повозрасно дете тогаш позицијата е следна;
Прочитајте:  Како да одберете милениче за вашето дете

Доколку горенаведените постапки не помогнат

  1. Свртете го бебето нагоре со лице на иста позиција (на вашиот бут или подлактица) при што истовремено би давале поддршка на главата (оваа слика се однесува на целата постапка 1, 2, 3…);
  2. Ставете 2 прсти на средината на неговата градна коска,веднаш под брадавиците;
  3. Направете 5 брзи притискања надолу така што да ги притиснете градите за околу ½ од нормалната длабочина;
  4. Наизменично редувајте ги постапките помеѓу овој и 5-те удари на грб.

Доколку се ова сте го направиле, а кожата на детето станува сина, ладна треба да се пристапи на КПР (кардио пулмонална ресусцитација) во траење од една минута. И веднаш повикајте брза помош.

Сепак најдобар начин за да се спречи сето ова е да се превземат превентивни мерки за да не дојде до ваква ситуација.

Еве неколку едноставни превентивни мерки:

  • Држете ги децата помали од 4 години подалеку од цврста храна (пуканки, кикирики, бомбони, карамели, лижавчиња, семки,). Кога сакате да дадете овошја и зеленчуци сечете ги на помали парчиња;
  • Држете ги подалеку сите копчиња, ситни играчки, балони и секакви предмети кои се ситни;
  • Не им дозволувајте на децата да си играат, трчаат, или лежат додека јадат;
  • Чувајте ги парите подалеку од децата;
  • Секогаш купувајте играчки за соодветна возраст на етикетите најчесто стои предупредување;
  • Научете КПР!

Најдобар начин за да научите КПР е да присуствувате на час од страна на овластен инструктор. Кај нас тоа може да се направи во Црвен Крст.


Споделете со пријателите!