trevis-prvoto-djebno-pomagalo-za-preveduvanje_image
Споделете со пријателите!

Замислете си да можете да одите на било кое место на светот и без проблем да разговарате со тамошните жители на нивниот јазик, јазик кој претходно не сте го изучувале
„Патувај глобално, зборувај локално“ е слоганот на компанијата којашто го создаде преведувачот „Тревис“ (Travis the Translator). Запознајте го Тревис, првото џебно помагало за преведување. На овогодинешниот Mobile World Congressu во Барселона, најголемиот саем за мобилна технологија во светот, за прв пат беше преставен преведувачот „Тревис“. Овој уред користи најсовремен софтвер за инстант преведување на глас, кој во комбинација со вештачката интелигенција го олеснува разговорот меѓу луѓе коишто зборуваат различни јазици. „Тревис“ преведува 80 јазици онлајн и 20 офлајн.

Со еден допир на малиот екран, „Тревис“ го слуша вашиот говор, му преведува на соговорникот на одбраниот јазик и потоа неговиот одговор го преведува на вашиот јазик.

„Тревис“ ги руши јазичните бариери и ви овозможува непречена комуникација. Дизајнерите на „Тревис“ објаснуваат дека го овој уред го создале со цел да не гледате во него додека комуницирате непосредно. Уредот е произведен со помош на соработката помеѓу Холандија, САД и Кина. Оваа меѓународна соработка зад себе има веќе преку 10 милиони доставени уреди. Овој месец може да се резервира по цена од 99 долари, додека после летото, ќе биде со малопродажна цена од 199 долари.


Споделете со пријателите!