Да, бактериите можат да се акумулираат на крпи за кујнска уптреба, особено кога ретко се перат и не се сушат меѓу употребата.
Може ли кујнска крпа да предизвика гастроентероколит или класично труење преку храна? Еве што вели науката:
Да, бактериите можат да се акумулираат на крпи за кујнска уптреба, особено кога ретко се перат и не се сушат меѓу употребата.
Но, повеќето од бактериите што истражувачите ги наоѓаат на крпите за бришење на садовите и рацете не се одговорни за труење со храна или други гастроинтестинални симптоми. Додека медиумските извештаи во текот на јуни 2018 се фокусираа на ризикот од труење со храна, истражувачите всушност не го разгледувале гастроинтестиналното здравје на учесниците.
Како било спроведено истражувањето?
Приказната се појавува на презентација на постер од 9 јуни на состанокот на Американското друштво за микробиологија во Атланта, 2018 година, врз основа на истражувањата спроведени на Универзитетот во Маурициус.
Истражувачите од Маурициус купиле 100 кујнски крпи за да им ги поделат на учесниците во студијата; 36 биле мешавина од памук и најлон, 33 биле чисти најлон, а 31 биле од чист памук.
По еден месец употреба, крпите биле собрани за да се земе примерок и да се изолира „култура“ од бактерии кои биле присутни на нив. Учесниците, исто така, пополниле прашалник за начинот на користењето на крпите, начинот на исхрана и големината на семејството.
Истражувањето не го разгледало моментот дали учесниците имале труење со храна или други гастроинтестинални болести.
Кои биле резултатите?
Бактериски раст бил нотиран кај 49 проценти од кујнските крпи. Памучните крпи имале повисоки нивоа на бактерии од најлонските или одколку кај оние кои биле мешавина од двата материјали.
Бактерискиот раст бил значително поголем кај големите семејства и кај оние семејства каде биле присутни деца.
Кујнските крпи кои се сметаа за „повеќенаменски“ – како на пример за чистење на маса и различни кујнски површини – имале повисоки нивоа на бактерии од крпите кои биле за „еднонаменска употреба“, како што се сушење раце или само пребришување на измиените чинии.
Истражувачите откриле дека „влажните“ крпи имале значително поголеми концентрации на одредени видови бактерии, како што се колиформи.
Колоформите се широка класа на бактерии пронајдени во дигестивниот тракт на животните, вклучувајќи ги и луѓето, и се наоѓаат во нивните фекалии. Иако повеќето колиформи се безопасни, некои ретки видови можат да предизвикаат сериозна болест.
Тие исто така откриле дека Staphylococcus aureus (S. aureus), бактерија која живее на кожата, била изолирана со значително повисока стапка кај семејствата со понизок социоекономски статус и семејства со деца, како и кај повеќечлени семејства. Научниците ги зеле во предвид и влијанието од начинот на исхрана. Колиформи и Златен Стафилокок биле откриени во поголем процент кај семејствата чии диетални навики вклучуваат и месо.
На кујнските крпи на вегетаријански семејства била откриена повисока преваленца на ентерококус.
Ентерококи се бактерии кои обично се наоѓаат во гастроинтестиналниот тракт на човекот и вообичаено не предизвикуваат инфекции кај здрави луѓе, но може да се причина за гастрентероколит кај оние лица со ослабен имунолошки систем.
Што значи тоа?
Истражувањето е интересно, но не треба да предизвика загриженост. Најголемиот дел од идентификуваните бактерии се ентерококи и видови на псеудомонас кои не се класично вклучени во труење со храна, за разлика од кампилобактер, салмонела, ешерихија и листерија. Но, постојат некои практични точки кои може да ни послужат како поука од истражувањето.
За најдобра заштита, по секоја употреба перете ги крпите. Но, повеќето од нас, најверојатно, нема да го направат тоа, така што добра солуција е да ги оставите да се исушат после употреба.
Најдобро решение е да користите крпи за еднократна употреба онаму каде е можно. Ова ќе го намали бактериското оптоварување на крпата.
Изненадувачки но, кујнските крпи не се најсмртоносниот предмет во кујната. Повеќе од 75 проценти од сунѓерите за садови/содржат бактерии. Сепак, повеќето луѓе кои ги користат не се гастроентеритис.
Генерализирањето на наодите за различни земји може да биде грешка. Маврициус е тропска земја, а видот и количината на бактерии на крпи за кујнска употреба и за раце може многу да се разликуваат отколку во земја со постудена, умерена клима.
Конечно, ова истражување беше презентирано на постер на Американското друштво за микробиологија оваа година. Процесот на објавување на истражување објавен во рецензирано списание е интензивен и сеопфатен процес, кој помага да се пронајдат сите недостатоци во методологијата или наодите кои можеби не се очигледни за истражувачите во тоа време. Најдобро е да го почекаме формалното објавување кое се одвива преку процесот на рецензија, пред да направиме финални заклучоци за тоа каква опасност носат крпите кои ги користиме во домаќинството и дали треба да се заменат комплетно со крпи за еднократна употреба.
