Според најновите предупредувања од Амерканските надлежни медицински институции, бактерии може да се најдат и во пакуваните зелени салати кои се нудат во маркетите, во свежото непастеризирано млеко, како и во замрзнатиот зеленчук
Во летниот период е препорачливо да се избегнува храна која термички не е обработена, поради стравот од труење, како и подолготрајно миење на овошјето и зеленчукот кој се купува од зелените пазари и маркетите. Деновиве кај нас е актуелно масовно труење со храна од позната сендвичара во главниот град. За причините, се разбира треба да ги почекаме официјалните информации од надлежните органи.
Според најновите предупредувања од Амерканските надлежни медицински институции, бактерии може да се најдат и во пакуваните зелени салати кои се нудат во маркетите, во свежото непастеризирано млеко, како и во замрзнатиот зеленчук.
Најновите истражувања во САД, покажале дека бактеријата Листерија е изолирана во пакувана салата, уште на појдовната точка на производство. Пронајдената листерија била блиску генетски поврзана со инфекцијата со Листерија во неколку држави во САД, која резултирала со еден смртен случај.
Како резултат на овој инцидент, официјалните медицински лица предупредуваат дека луѓето кои користат суплементи на месо или нивна замена треба да внимаваат што купуваат и да ги одбегнуваат непознатите производители на овие суплементи, поради нивната можност за контаминација со одредени бактерии.
Продажбата на свежо млеко во последно време е во пораст, но прозиводителите се тие кои мора да ги предупредат своите корисници, посебно родителите со мали деца, постарите граѓани и имунокомпромитирани лица, да конзумираат само пастеризирани производи.
Листеријата била пронајдена и во замрзнат зеленчук, кој придонел за разболување на десетици лица во текот на три години. Истражувачите откриле дека значителен дел од заболените лица пробале или јаделе свежо тесто и тесто пред да се разболат. Тестирањето на преостанатото брашно во нивните домови идентификувало ист вид на Ешерихија коли, која ги разболува луѓето. Ова била првата повеќестепена инфекција со Ешерихија коли, поврзана со лицата кои козумирале свежно брашно.
Педијатрите и лицата вработени во клиниките најнапред треба да ги прашаат лицата дали имаат градини во дворовите, и дали чуваат живина посебно кај оние лица кои имаат заболувања на органите за варење. Ако семејествата имаат градини во дворовите тие треба да се придружуваат кон правилото за правилно миење на рацете по работата во истите и да не дозволуваат децата помали од пет години да имаат допир со земјата и животните без надзор од родителите.
Сировите и недоволно подготвените зелјести произоди треба да бидат одбегнувани од децата, бремените жени, постарите лица, како и имунокомпромитираните лица. Лицата кои се загрижени од заболувања од зелјести растенија, можат да побараат истите да бидат изоставени од нивниот оброк или пак да побараат внимателно миење под млаз вода или подолготрајно подготвување на истите.
Како резултат на допир со млади телиња биле заразани лица во епидемија од Салмонела хелденберг, отпорна на повеќе лекарства. Резистентната на антибиотици Салмонела кај луѓето може да го зголеми ризикот од неколку заболувања, кои доведуваат до хоспитализација, инфекција на крвотокот или на неуспешност во лекувањето. При вакви епидемии 42 отсто од луѓето биле хоспитализирани.
