Откријте ја позитивната страна на инаетот
Науката покажа дека употребата на обратна психологија може да помогне во решавањето на секојдневните проблеми на родителите на непослушните деца. Обратната психологија е дел од еден психолошки феномен наречен реактанса (психологија), истакнува Џеф Гринберг (Jeff Greenberg), професор по социјална психологија при Универзитетот во Аризона. Тоа е мотивациската реакција кон личностите, правилата или регулативите коишто елиминираат одредена слобода во однесувањето. Реактансата се појавува кога лицето чувствува дека некој или нешто го скратува неговиот избор или му ги ограничува алтернативите.
Реактансата може да се случи кога некој е ставен под голем притисок за да прифати одредена перспектива или став.
Идејата на реактансата е дека луѓето се длабоко мотивирани да ја заштитат својата слобода, објаснува професорот Гринберг. „Кога луѓето чувствуваат дека слобода им е се загрозена, на пример кога мислат дека некој им ја одзема можноста за правење на сопствени слободни одлуки, тие реагираат против таа закана. На тој начин, тие може да се чувствуваат лути или да имаат одбрамбен став со цел да се спротивстават на заканата“ – истакнува тој.
Во суштина, обратна психологија ги зема предностите на реактансата кај една личност.
Кога користите обратна психологија врз одредена личност, тогаш ја загрозувате нејзината перцепција за слобода. Заканите врз таа слобода го прават попривлечен изборот да се искористи токму таа слобода. Кај децата треба да го разбудите инаетот. „Да земеме за пример дете кое не сака да јаде брокула. Кога родителот вели: „Не можеш да ја јадеш брокулата“, одеднаш јадењето на тој зеленчук станува попривлечно. Па, иако детето никогаш не сакало брокула на прво место, се чувствувало слободно да одбере. Кога му ја одземате таа слобода, јадењето брокула станува многу поатрактивно“ – вели проф. Гринберг.
Гринберг забележа дека користењето на обратната психологија не функционира секогаш. Поверојатно е подобро да функционира кај луѓето и децата коишто се посклони кон реактанса. Луѓето кои се инаетливи, иритабилни, напнати и емоционални, имаат предуслови да се посклони кон реактанса. Луѓето кои се повеќе согласни и прилагодливи се помалку склони. Друга негова забелешка е дека постојат докази за тоа дека мажите се посклони кон реактанса од жените.
Обратна психологија – позитивната страна на инаетот
Професорот Гринберг, исто така додава дека постојат фази во детството кога се поподложни и помалку подложни на обратна психологија. Тој вели дека децата на возраст од 2 до 4 години се емоционално понестабилни и побунтовни, па обратната психологија е поверојатно да делува кај нив. Но, над четири годишна возраст кога децата се малку попаметни и посоцијализирани, тогаш помалку веројатно е дека ќе бидат избувливи и тие почнуваат да стануваат помалку подложни на обратна психологија.
Друга возраст којашто е идеална за користење на обратната психологија е адолесцентскиот период.
Тоа е период кога родителите велат едно, а децата од револт и инает го прават спротивното. Но, кога се обидувате да употребите обратна психологија кај возрасните, тоа може да заврши лошо, предупредува Гринберг. Тие ќе реагираат против обидот да се манипулира со помош на обратна психологија, па може да завршите со „обратна обратна психологија“ во некоја смисла. Но, ова не значи дека оваа техника не може да функционира и кај „непослушните“ возрасни.
