Ново истражување сугерира дека закрепнатите пациенти со коронавирус најверојатно имаат силна имунолошка меморија која опстојува најмалку осум месеци.
Оваа меморија не се потпира само на антитела; туку овде се вклучуваат и бели крвни клетки познати како Т-клетки и Б-клетки кои имаат импресивна моќ на паметење. Во комбинација, овие слоеви на заштита му овозможуваат на имунолошкиот систем да го препознае и повторно да го нападне коронавирусот доколку некогаш повторно го нападне, со што се спречува друга инфекција.
За да проценат колку трае имунитетот кон коронавирусот низ овие различни бариери на имунолошкиот систем, научниците измериле колку и какви видови на имуни клетки поседувале пациенти кои биле заразени со коронавирусот. Нивното истражување, иако сè уште не е разгледано од рецензии, дава надеж дека оние кои веќе се заразиле, најверојатно нема да се заболат повторно подолг период.
Додека антителата опаѓаат, Т-клетките и Б-клетките перзистираат
Некои истражувања сугерираат дека коронавирусните антитела, крвни протеини кои го штитат организмот од последователна инфекција, бледнеат за неколку месеци. Но, загриженоста за овие откритија може да ја намали улогата на Т-клетките убијци, кои ги идентификуваат и уништуваат заразените клетки, како и Т-хелпери-клетки кои ги информираат Б-клетките за тоа како да создадат нови антитела.
“Сите тие елементи се дизајнирани да работат заедно: Ако во некое дадено лице некој дел од имунитетот не функционира како што треба , другиот дел на имунолошкиот систем може да го надомести. Значи, има смисла да се измери сè”, изјавил Кроти.
Така, неговата група ги измери двата типа на Т-клетки, како и Б-клетките и антителата, во примероци од крв од 185 луѓе кои се опоравиле од КОВИД-19 .
Скоро 40 од учесниците дале крв повеќе пати, некои и по шест месеци по нивното заболување. Ова им овозможи на истражувачите да проценат како имуните реакции на пациентите се менувале со текот на времето. Нивните резултати покажаа дека нивото на коронавирус Т-клетки се намалило малку помеѓу четири и шест месеци, а потоа се држело константо. Истражувачите сметаат дека е веројатно дека lT клетките и антителата остануваат конзистентни и после тој шест месечен период, бидејќи тоа е типично за другите вируси. Потребни се една до две недели за да се развие Т-клеточниот одговор и антитела после инфекција. После 4-6 месеци нивното ниво оди надолу, и потоа држи одредено плато во следните шест месеци. Она што го гледаме после шест до осум месеци е она што го добиваме како одговор дали имаме имунитет или не.
Резултатите од студијата, исто така, посочуваат дека нивото на Б-клетките на пациентите се зголемило помеѓу еден и шест месеци. Тоа е особено добро, објасни Сет, бидејќи Б-клетките се извор на идни антитела.
„Откако ќе исчезне првичната вирусна инвазија, Б-клетките ќе престанат да се борат, ќе престанат да прават антитела“,изјавил тој. „Но, тие се уште се таму ако нападот продолжи: Ако имате огромна армија на Б-клетки кои циркулираат во телото, тоа би генерирало одговор на антитела.
Антителата, сепак, се намалиле мерливо за шестмесечен период, според студијата. Но, Кроти изјавил дека падот е „прилично логички за која било инфекција“, а не сам по себе да биде причина за загриженост.
Т-клетките кои го таргетираат коронавирусот може да траат со години
Сет и Кроти имале можност да ги следат само опоравените пациенти од коронавирус осум месеци по инфекцијата, откако пандемијата започна пред околу една година. Тие сметаат дека бавното опаѓање на вредностите на Т и Б-КЛЕТКИТЕ значи дека тоа ниво ќе се задржи многу подолго одколку периодот кој е анализиран во студијата.
„Одговорите на имунитетот го следиочекуваното сценарио и тие се стабилни најмалку осум месеци“,изјавиле Сет, додавајќи дека „траекторијата не покажува дека ќе се намалат за осум месеци и еден ден“
Белите крвни клетки развиени како одговор на други вируси можат да се држат со години. Т-клетките специфични за големи сипаници, на пример, траат околу 10 години за да исчезнат по инфекцијата, додека Б-клетките за тој вирус се држат 60 години. Т-клетките специфични за САРС, друг коронавирус кој дели 80% од својот генетски код со овој новоиот, исто така, изгледа дека се задржуваат долгорочно. Во јулско истражување во кое се барале Т-клетки во примероци од крв од 23 лица кои го имаат преживеано вирусот САРС. Доволно сигурно, оние кои преживеале сè уште имале специфични Т-клетки со САРС меморија, 17 години откако се разболеле.
Мал број на пациенти имале „слаба имунолошка меморија“
Студијата на Кроти откри дека околу 90 проценти од луѓето развиваат силен имунитет на коронавирусот подвлечен од антитела, Т-клетки и Б-клетки. Но, не сите ги развија сите три имунолошки елементи во ист степен, а мал дел од учесниците развија само некои, или ниту еден, од нив.
Се чини дека тие пациенти имаат „прилично слаба имунолошка меморија“, изјавил Кроти, па затоа може да бидат подложни на реинфекција релативно брзо. Навистина она кое може секој од нас да си го посака е да го поседува активен целиот оркестар на имунолошкиот систем за да го победи вирусот.
Причината за оваа варијација од личност до личност не е јасна, но авторите на студијата откриле дека пациентите кои подобро се справиле за време на инфекција со КОВИД-19 имале повеќе типови на имуни клетки кои работат за нив. Оние кои поминаа потешко имале еден или помалку типови на имуни клетки кои се активни.
За сега не постои начин да се предвиди колку долго ќе трае имунитетот на коронавирусот на одредена личност откако ќе се зарази. Едноставно нема начин да се направи брз тест на крвта за да се каже дека ќе имате имунолошка меморија 10 години. Значи, ќе мора само да почекаме и да видиме.
