grizhata-okolu-gradinata-go-chuva-vasheto-zdravje_image
Споделете со пријателите!

Водењето грижа за домашната градина или двор има многу позитивни физички и умствени придонеси. Прочитајте како мала градина или двор влијае на вашето здравје и расположение
Со сигурност многу често барате некое хоби или активност која би ви го задржала вниманието, би ве релаксирала физички и умствено, додека само „чепкате“ нешто со рацете. За многумина тоа хоби оди рака под рака со годишното време, па така, студената зима ја резервираат за активности во внатрешните граници на домот, како што се зимските „направи сам“ декорации за празниците, а топлото лето го посветуваат на безгрижното играње со омилените цвеќиња и растенија во градината.

Многу досегашни истражувања велат дека луѓето кои имаат домашно градинарско катче се посреќни и поздрави.

Оние што живеат во стан, би рекле дека немаат доволно простор за градинарско катче, но доволно е да вметнете на терасата неколку саксиски растенија и цвеќиња што со сигурност ќе влијаат позитивно на вашето расположение и, воедно, ќе го подобрат вашето здравје. Кои се, всушност, причините за тоа? Кои се физичките и умствени придонеси од градинарството? Во продолжение дознајте 5 причини зошто треба да креирате градинарско катче во домот.

1. Градинарството го зајакнува имунолошкиот систем

Сонцето е природен извор за произведување на витаминот Д којшто му е потребен на организмот за зацврстување на коските и забите, како и за зајакнување на имунолошкиот систем. Оттука, секоја минута којашто ќе ја поминете под сончевите зраци во дворот, негувајќи ги вашите шарени и миризливи пријатели, ќе придонесе за синтеза на витаминот Д во вашиот организам.

2. Градинарството помага во согорувањето калории

Со сите активности што се неопходни во градинарството ќе го активирате телото и секој негов мускул што ќе придонесе до редовно согорување на калории. Според едно истражување спроведеното од водечкиот Американски институт „Centers for Disease Control and Prevention“ е докажано дека со само еден час од денот поминат во градината или дворот, изложени на сончевата светлина, се согоруваат до 330 калории. Останатите активности, пак, како садење, пресадување, наводнување, ѓубрење итн. ќе придонесат во согорувањето на уште поголемо количество калории.

Прочитајте:  Состојба со грип во Република Македонија до 16та недела

3. Градинарството го регулира крвниот притисок и го зајакнува срцето

Само 30 минути од денот поминати во градината, наместо пред компјутер, правејќи активности и водејќи грижа за растенијата, помага во регулирањето и контрола на крвниот притисок, како и во зајакнувањето на срцето, со што се намалува ризикот од срцево заболување или удар.

4. Градинарството ќе ве направи посреќни и позадоволни

grizhata-okolu-gradinata-go-chuva-vasheto-zdravje_image1Докажано е дека самото присуство на цвеќе или било какво растение во домот, нè прави посреќни. Ова се случува бидејќи неговите бои и пријатен мирис ги активираат нашите сетилата, нè исполнуваат со позитивни чувства и изнудуваат насмевка на нашето лице. Создавањето на мала градина ќе ве научи да се радувате на малите нешта во природата и со тоа да се чувствувате убаво, среќно и задоволно.

5. Градинарството ќе ве направи горди и ќе ви влее самодоверба

Засадувањето на мало семе кое подоцна со многу грижа и нега ќе се претвори во прекрасен цвет, дрво или овошка, со сигурност ќе ве направи горди на себе. Секојдневната нега што ќе им ја пружате на домашните цвеќиња и билки ќе придонесе во градењето на интерактивна врска со живиот природен свет што влева самодоверба и влијае позитивно.


Споделете со пријателите!