Имај време за чај во секој случај!
Чајот е вториот најконсумиран пијалак во светот по водата. Се смета дека води потекло од Кина. Сите чаеви всушност потекнуваат од растението Camellia sinensis, но различни начини на берба и нивната обработка произведуваат различни видови. Холанѓаните првпат го донеле чајот во Европа во 1610 година, во Англија пристигнал во 1658 година, а потоа во 1700-тите станал популарен во американските колонии. Побарувачката за чај го доживеа својот пик во 1700-тите, кога Англија го проширила увозот на шеќер во своите карипски колонии. До 1800 година, англичаните годишно произведувале 2½ килограми чај и 17 килограми шеќер по глава на жител.
Постојат различни видови на чај. Разликата меѓу нив е во степенот на оксидација или ферментација на листовите.
- Белиот чај е подложен на најмала преработка, бидејќи подлежи само на процесот на сушење, со тоа задржувајќи ги антиоксидансите на највисоко ниво.
- Зелениот чај е преработуван на високи температури. Вкусот варира, како и видовите на бело вино.
- Улонг лежи помеѓу зелениот и црниот чај и е делумно оксидиран. Црниот чај подлежи на целосна оксидација.
- Црниот чај се одгледува и се обработува низ целиот свет, во различни географски и климатски услови. Три од најголемите производители на црн чај денес се Индија, Шри Ланка и Африка.
Всушност, половина од светското производство на чај доаѓа од Индија. Во текот на својата експанзија, кога чајот бил обработуван за извоз за трговија низ регионите, соседните земји и прекуокеанските земји, било откриено дека црниот чај има способност да ја задржи својата свежина и вкус подобро за време на долги патувања за разлика од зелениот чај. Потребни се повеќе истражувања за во целост да се потврдат активните здравствени придобивки, но сепак, црниот чај останува поздрава алтернатива за кофеин. На сите ни е добро познато дејството на кофеинот, моќниот стимуланс кој може да ја подобри концентрацијата, меморијата и обработката на информации, како и да ја зголеми вашата енергијата во текот на денот. Помеѓу кафето, црниот чај и зелениот чај, кафето обично содржи најголем процент на кофеин, потоа следи црниот чај, па зелениот чај.
Црниот чај претставува здрава алтернатива за кафето поради тоа што содржи 2% до 4% кофеин.
Она што го прави уникатен и корисен, всушност е содржината на феноли во црниот чај. Фенолична содржина всушност се однесува на фенолите и полифенолите, природни растителни соединенија кои се наоѓаат во чајот.
Овие моќни хемиски соединенија имаат антиоксидантивно / анти-мутагено / анти-инфламаторно / антипатогено дејство.
Антиоксидансите имаат способност да се борат против слободните радикали воедно спречувајќи оксидативен стрес и оштетување на ДНА. Научниците сметаат дека специфичните антиоксиданти во чајот, вклучувајќи ги и полифенолите и катехините, можат да помогнат во спречување на некои видови на рак.
Всушност во фокусот се вклучуваат катехините, особено епигалокатехигалатите (EGCG), кој во просек чинат 11% од вкупните флавоноиди.
Сите други флавоноиди, како што се мирицитин и кверцетин, имаат помала процентуална застапеност.
Сите чаеви содржат минерали кои, во вишок, можат да бидат отровни. Црниот чај содржи некои минерали кои се отровни во високи дози. Оловото и алуминиумот се присутни во чајот. Овие тешки метали, во големи дози, можат да бидат токсични за луѓето. Црниот чај има особено високо ниво на манган, што е потенцијално токсичен. Колку подолго се вари и се остава ќесичката да отстои, толку е поголема концентрацијата на овие токсични елементи, па затоа е препорачливо да се вари чајот максимум 3 минути.
Максимална дневна доза е пет чаши црн чај дневно. Лицето кое го ограничува внесот на кофеин треба да не пие повеќе од три чаши дневно.
Се покажало дека чајот придонесува за намалување на биорасположливоста на железото кога се зема заедно со оброци. Ова значи дека се намалува способноста на телото да го апсорбира железото. Луѓето со историја на дефицит на железо или железодефицитна анемија треба да внимаваат да не консумираат чај кога земаат суплементи на железо и особено оброци богати со железо.Тие исто така треба да имаат временски интервал од еден час измеѓу оброкот и пиењето црн чај.
Црниот чај е одличен начин за лекување на бројни здравствени состојби.
Поголемиот дел од медицинските истражувања на потенцијалните здравствени придобивки во врска со конзумирањето на чај утврдија дека чајот може да придонесе за намалување на кардиоваскуларните болести и да го превенира дијабетесот. Зголемените докази сугерираат на фактот дека антиоксидансите во црниот чај може да ја намалат атеросклерозата, особено кај жените. Исто така, можат да помогне во намалувањето на ризикот од срцев удар. Некои истражувања покажуваат дека жените кои редовно пијат црн чај имаат многу помал ризик од оваријален канцер. Но, во секој случај потребни се повеќе истражувања. Досега, истражувањата покажаа дека црниот чај не го намалува ризикот од рак на дојка, стомак или колоректален карцином, но помага во превенција на Паркинсонова болест. Во комбинација со разни други производи, црниот чај има корист во губењето на вишокот калории.
„Чајот е пијалак со кој можеме да ја заборавиме динамиката на светот“ – T’ien Yiheng.
