Недоволно внимание им се дава на габичните инфекции и покрај тоа што напаѓаат повеќе од милијарда луѓе на глобално ниво
Јавноста е шокирана од фактот што 1,5 милиони луѓе умираат поради овие организми ширум светот, а сепак им се дава премалку внимание. „Кога ги прашуваме луѓето за болестите кои што ги знаат, ние добиваме многу примери за вируси или примери за бактерии и паразити. Но, трите главни организми кои што ние ги изложуваме се виртуелно непознати за општата популација“ – објаснува професорот д-р Нил Гау – Neil Gow од Универзитетот во Абердин. Тој заедно со своите колеги се обидуваат да ја зголемат јавната свесност за овој проблем.
За време на Royal Society’s Summer Exhibition, проф. Гау ги нагласи трите главни групи на габи коишто претставуваат најголема опасност: Aspergillus, Cryptococcus и Candida.
Од овие три вида на организми умираат над милион луѓе, објаснува Гау. Тоа е два или три пати повеќе од бројот на смртни случаи на рак на дојка, а двојно повеќе од бројот на смртни случаи предизвикани од маларија. Покрај овие големи бројки, габичните инфекции не ѝ се добро познати на јавноста. Ова може да биде поврзано со фактот дека многу од овие габични инфекции што се опасни по живот, зборувајќи од медицински аспект, се релативно нов феномен.
„Најпрво ХИВ/СИДА смени сè. Тоа создаде целосно нова популација од луѓе кои што се подложни на инфекции што во нормални услови нивниот имун систем лесно би се одбранил од нив. Бидејќи ХИВ е актуелен релативно од неодамна, немаше време да се изгради популација од научници што ќе се справи со овој проблем“ – рече д-р Гау. Сега се смета дека има над половина милион лица кои што се ХИВ позитивни и умираат секоја година од инфекции предизвикани од Cryptococcus fungus. Тоа е квасна габа што го напаѓа мозокот.
Со овој проблем не се засегнати само земјите во развој, туку ова е проблем од глобален размер.
Од болниците се јавуваат сè повеќе извештаи за нови видови на габи кои што предизвикуваат опасни инфекции. Првите се откриени во 2009 година во Јапонија. Новата врста на габи Candida auris што е отпорна на многу против-габични лекови, веќе е пронајдена кај 40 пациенти во иста болница во јужноисточна Англија. Експертите велат дека со само четири достапни категории на против-габични медикаменти и никаква вакцина до сега, лесно е да се согледа дека овие организми се значителен здравствен предизвик.
Научниците треба сериозно да го разгледаат овој здравствен проблем и треба да започнат да ги истражуваат овие организми, за да се пронајдат и развијат соодветни лекови кои што ќе можат да спасат навистина голем број на човечки животи. Потенцијалот треба да се насочи кон развој на нови начини за борба против габичните инфекции, но повеќе експерти се потребни за сериозно да се истражат, како и поголемо внимание од страна на здравствената заедница како целина.
