Колку и да ви изгледаат чисто и свежо, вашите крпи се валкани
Крпите се клучен дел од хигиената, но според еден експерт, тие некогаш може да направат повеќе штета отколку корист. Тие може да се полни со бактерии, мртва кожа, измет, урина и уште многу други бактерии коишто „демнат“ во бањата. д-р Филип М. Тјерно, (Philip M. Tierno, Ph.D), професор по микробиологија и патологија, кој популарно го нарекуваат експерт за хигиена, ги открива причините зошто крпите треба да се перат почесто отколку мислите дека е доволно.
Професор Тјерно препорачува дека крпите треба да се перат по само три користења со цел да се спречат можни инфекции.
„Целта е да бидеме претпазливи и свесни“ вели проф. Тјерно. „Доколку од крпата доаѓа миризба, тоа значи дека во неа се размножуваат микроби, па потребно е да се испере“, нагласува професорот. Сепак, повеќето бактерии од домаќинството, не се опасни. Ризикот е поголем кога станува збор за крпа којашто ја делите со другите членови во семејството, бидејќи вашето тело е во контакт со „туѓи“ организми со коишто ќе треба да се бори, како на пр. стафилококата (Staphylococcus aureus), којашто може да ви донесе мозолче или инфекција.
Проф. д-р Тјерно, досега ја има истакната потребата од поголема грижа за личната хигиена во салата за вежбање, како и кои се најкритични места во домот (ќе ви откриеме дека најнечисто е сунѓерчето за садови). Неговите совети за хигиената додека вежбате во сала за вежбање, се следниве:
Носете своја крпа. Користете ја само едната страна за бришење и покривање на машините за вежбање. За да ги заштитите стапалата, секогаш носете обувки и не одете боси во соблекувална.
Избришете го теговите. Бидејќи многу луѓе ги користат, теговите често се магнет за вируси. Бактериите се задржуваат подолго на тврди површини, најмногу на нерѓосувачки челик и пластика, а помалку на ткаенина. Професорот препорачува да ја пребришете цела опрема пред и после нејзиното користење со антибактериски влажни марамчиња.
Избегнувајте ги базените. Застоената вода во базенот во комбинација со голем број на пливачи во него, значи зголемена концентрација на микроорганизми. Микробите можат да навлезат во телото преку устата, очите, носот или да ја оштетат кожата и да предизвикаат цревни, вагинални и кожни инфекции. Запомнете, д-р Тјерно препорачува да се користат базени коишто се чистат секој ден. Ако не сте сигурни дали базенот е чист, длабоко помирисајте. Доколку базенот силно мириса на хлор, тој е нечист, а мирисот е заради мешавината на хлорамин, бактерии, урина и пот.
Тушеви. Влажниот под е идеално тло за размножување на бактерии и може да предизвика појава на инфекции како атлетско стапало. Професорот препорачува да го избегнете туширањето во салата и да се истуширате дома.
