profesor-laslo-tabar-kje-predava-na-seminarot-dijagnoza-na-bolesti-na-dojka_image
Споделете со пријателите!

Од 9-ти до 11-ти февруари ќе се одржи семинар за болести на дојка под водство на познатиот професор Ласло Табар
„Проф. Табар го почна скринингот – раното откривање на рак на дојка во Шведска во 1977 година“
Во Скопје, од 9-ти до 11-ти февруари ќе се одржи семинар за болести на дојка, под водство на еминентниот професор Ласло Табар. Проф. Табар го почна скринингот – раното откривање на рак на дојка во Шведска во 1977 година. Тој е основач на раната детекција на рак на дојка и напишал многу учебници и трудови. Табар верува дека идниот напредок против ракот на дојка претставува спој на клинички истражувања и едукација на професионалци, затоа тој веќе неколку децении одржува семинари од ваков вид ширум светот.

На покана на македонското здружение за радиологија на дојка, за прв пат доаѓа во овој дел од светот. Македонското здружение за радиологија на дојка (ДОЈКА) е посветено на борбата против ракот на дојка. Здружението поддржува рана детекција на рак на дојка преку: скрининг, дијагностичка и интервентна радиологија и следење на современи насоки и едукација. Раната детекција ја намалува смртноста до 30% и секоја жена треба да прави месечен самопреглед на дојка.

Мамографијата е сè уште најспецифична метода која го открива ракот 2 години пред жената да ги види симптомите.

На семинарот се пријавени над 70 учесници од МК и од Србија, Црна Гора, Косово и Бугарија. Онлајн регистрацијата за семинарот е затворена, но доколку сакате да присуствувате а не сте се регистрирале, можете да се регистрирате за време на семинарот во хотел „Мериот“.


Споделете со пријателите!